Inatsisartut ataatsimiinnissat utoqqatsertoqarnissaa pissutigalugu taamaatinneqartoq
Spiralilersuisimaneq pillugu utoqqatsernerup pisortatigoortumik malunnartinneqarnissaa pissutigalugu Inatsisartut apeqqarissaarnissaat taamaatinneqarlunilu oqaluuserisassaat kinguartinneqarput.
Inatsisartut siulittaasuata Kim Kielsenip (S) ulloq ataatsimiiffissaq ataaseq taamaatippaa.
Assi: Hanna Hviid
Spiralilersuisimanermut atatillugu utoqqatserneq, Katuami sapaatip-akunnera ataaseq qaangiuppat pingasunngornermi septembarip 24-anni nalunaaqutaq 14.00, pisortatigoortumik malunnartinneqassaaq.
Taamaattumik ulloq taanna ataatsimiittoqassanngitsoq Inatsisartut Siulittaasoqarfianit aalajangerneqarpoq.
Inatsisartut siulittaasuat Kim Kielsen (S) tusagassiuutinut nalunaarummi allappoq.
Akunneq apeqqarissaarfiusussaq pilersaarutaagaluartoq taamaatinneqarpoq. Inatsisartullu ullormi tassani oqaluuserisassaat septembarip 26-anut kinguartinneqarput.
Naalakkersuisut siulittaasuat Jens-Frederik Nielsen (D) ministeriunerlu Mette Frederiksen (Socialdemokratiet) spiralilersuisimaneq pillugu utoqqatserlutik tusagassiutinut nalunaarutiginikuuaat. Tamatumalu malunnartinneqarnerani marluullutik Katuami peqataassapput.
Ullormi tassani qanorpiaq pisoqassanersoq ilisimaneqanngilaq.
