Inatsisartut nutaat ullumi ataatsimeerngaalerput
Inatsisartut nutaat ullumi ataasinngornermi ulloq 7. april inissitsiterluni ataatsimiinnissamut aggersarneqarput, tassanilu Naalakkersuisut nutaat aamma akuerineqassapput.
Inatsisartuni ilaasortat, kiinnat nutaat ilisarnarnerusullu ullumi ataasinngornermi ataatsimiittarfimmi takussaassapput. Inatsisartut ataasinngornermi ataatsimeerngaalerput.
Arkivfoto: Leiff Josefsen
Inatsisartut nutaat ulloq 11. marts qinersinerup kingorna maanna siullermeerlutik sulisussanngorput.
Inatsisartunut ilaasortat nutaat ataasinngornermi ullloq 7. april nal. 11.30 inissitsiterluni ataatsimiinnissamut aggersarneqarput.
Tassani naalakkersuisut nutaat, qulinik inuttaqartut, akuersissutigineqarnissaat Inatsisartulllu inissitsiternissaat ilimagineqarpoq. Jens-Frederik Nielsen tallimanngornermi ulloq 28. marts naalakkersuisooqatigiinnik nutaanik siammasissunik D, S, A aamma IA-mik katitsikkanik ilisaritsitsivoq, ullorlu 11. mats inatsisartunut qinersinermi taakku qinersisartut 75 procentiinik tunuliaqutaqartut.
Ullumi Inatsisartunut pilersaarutut Hans Egedep illluanit aallartissapput, tassanngaanniillu pisarneq malillugu Annaassisitta Oqaluffianut ingerlaaqatigiittoqassaaq.
Nalunaaqutaq qulinut naalagiartoqassaaq.
Kingorna Inatsisartut qinigaarlaat oqaluffimmit Inatsisartut ataatsimiittarfiannut ingerlaaqatigiissapput, kingornalu Inatsisartut silataanni assilitittoqassaaq.
Ataatsimiititaliat, siulittaasoq Naalakkersuisullu
Inatsisartut ataatsimiinnerat nalunaaqutaq 11.30 aallartissaaq. Tassani Inatsisartut siulittaasussaminnik siunnersuuteqassapput, kingonralu aamma Inatsisartut Siulittaasoqarfianni ilaasortanik akuersissuteqartoqassaaq.
Ilisaritsinerup Naalakkersuisunillu akuersinerup saniatigut aamma qinigaasinnaanermut ataatsimiititaliaagallartumut ilaasortassanik toqqaasoqassaaq, kingornalu Inatsisartut ataatsimiititaliaanni ilaasortanik toqqaasoqassaaq.
