- Ineqarneq pillugu suliami akerleriissutaaqisumi, ilaqutariit 73-it qanittukkut angerlarsimaffeerussinnaanerannik kinguneqarsinnaasumi, ajornartorsiut qalliinnarsiornikkut kisimi sammineqarpoq, Martin Gjødvad, inissianut aningaasaliisartoq qarasaasialerinermillu suliffeqarfimmik Inu:it A/S-imik ingerlatsisoq, aammattaaq ilaatigut ingerlatseqatigiiffik Inu:IT Bolig aqqutigalugu illunut aningaasaliisartoq, oqarpoq.
Ineqarneq pillugu suliamut atatillugu inissianik 58-inik ingerlatseqatigiiffik Kommuneqarfik Sermersuumut attartortitsivoq.
- Ineqarneq pillugu suliami akerleriissutaaqisumi, ilaqutariit 73-it qanittukkut angerlarsimaffeerussinnaanerannik kinguneqarsinnaasumi, ajornartorsiut qalliinnarsiornikkut kisimi sammineqarpoq, Martin Gjødvad, inissianut aningaasaliisartoq qarasaasialerinermillu suliffeqarfimmik Inu:it A/S-imik ingerlatsisoq, aammattaaq ilaatigut ingerlatseqatigiiffik Inu:IT Bolig aqqutigalugu illunut aningaasaliisartoq, oqarpoq.
Ineqarneq pillugu suliamut atatillugu inissianik 58-inik ingerlatseqatigiiffik Kommuneqarfik Sermersuumut attartortitsivoq.
Namminersorlutik Oqartussat ukiuni 25-ni kingullerni ineqarnermut taarsigassarsisitsisarnerat taassuma innersuussutigaa.
- Namminersorlutik Oqartussat inatsit 2010-mi allanngortippaat, malinnissaalli „puigorsimavaat“, maannalu ukiut 14-it qaangiuttut tamanna aallartinneqarpoq, Martin Gjødvad oqarpoq, taannalu isumaqarpoq Namminersorlutik Oqartussat ukiut 14-it kingusinaarlutik 20/20/60-imik aaqqissuussineq sequmileraat, tamatumalu inissiaminnik attartortitsiniartut tamaasa eqqussavai.
Malittarisassat eqquinerupput
- Kommuneqarfik Sermersuup Naalakkersuisoqarfiullu, nakkutilliisut ikiortigalugit, inissiaatileqatigiiffiit tallimat kommunimut attartortitsisartut atulerpaat. Malittarisassat taakkua inissiaatileqatigiiffinnut taamaallaat atuutinngitsut, innuttaasunulli ingerlatseqatigiiffinnullu tamanut atuuttut, inissianut aningaasaliisartoq naqissusiivoq.
Oqarpoq aningaasarsiortunut ilinniagaqarlutik aallaqqasunut, avissimasunut, suliffissaaleqisunut, sinerissami suliffittaarsimasunut imaluunniit iniminnik tunisinissamik ajornakusoortitsisunut taamaattumillu attartortitsisunut atuutissasoq – inatsit maanna atuutsinneqalersoq kikkunnut tamanut atuuppoq
- Tamanna isumaqarpoq aamma akissarsiortut ima appasitsigisumik ineqarnermut akiliuteqartitsisalissasut, allaat aningaasaqarnerannut iluaqutaanaviarnani — assersuutigalugu aningaasaateqarfimmut taarsigassarsiat ineqarnermut akiliummit akilerneqarsinnaassanngillat – tamanna isumaqarpoq inaatillit amerlanerit pisortanit taarsigassarsiatik akilersimanngippata inigisaminnut pituttugaassasut, Martin Gjødvad oqarpoq.
Aningaasanik atortinneqarnissamik tatiginartuuneq sanngiilliartulerpoq
Taarsigassarsianik tamakkerlugit akiliineq ajornartorsiutaasoq taanna isumaqarpoq, tassami taarsigassarsiniartarfiit aningaaseriviillu aningaasanik taarsigassarsisitsisarput taarsigassarsiat piunissaat piumasaralugu.
- Taamaalilluni piffissaq qaninnerusoq ungasinnerusorlu eqqarsaatigalugit taarsigassarsiniartarfinnut aningaaserivinnullu naleqqiullugu Kalaallit Nunaata aningaasanik atortissallugu tatiginartuunera sanngiilliartulerpoq. Kingullermik Kalaallit Nunaat aningaasanik atortissallugu tatiginartuunera 1990-ikkunni sanngiillivoq, taamani taarsigassarsiniartarfiit Kalaallit Nunaanni taarsigassarsisitsisarunnaavimmata. Ukiut arlallit ingerlareersut aatsaat kalaallit aningaasaqarnerat tatigineqaleqqippoq; taamanikkut Realkredit Danmark aamma BRFkredit Kalaallit Nunaanni niuerfimminnit anipput, Martin Gjødvad mianersoqquserpalaarluni oqarpoq.
Aamma aningaasanik atortitsissalluni tatiginartuunerup sanngiillinera annaasaqaataangaarsinnaasoq, taanna isumaqarpoq:
- Aningaasanik atortitsissalluni tatiginartuuneq sanngiillissappat, siunissami sanaartornissamut ukiuni 20-ni 30-nilu taarsigassarsiniartarfinnit taarsigassarsisoqarsinnaajunnaassaaq, sanaartornerlu annikilleriassaaq – tamannalu sulisukillisitsillunilu suliffissaaleqinermik kinguneqassaaq. Aammattaaq inissianik tuniniaaqqinnikkut piginnittut nikinneranni taarsigassarsisitsisarfiit aqqutigalugit 80 procentip tungaanut taarsigassarsititsinerit taarsigassarsisitsisoqarsinnaajunnaassaaq, tamannalu innuttaasunut annaasaqaataangaassaaq.
Atorunnaarsikkiartuaartitsineq
- Tamatuma saniatigut siorna pisortanit taarsigassarsisarneq ukiuni qulini atorunnaarsikkiartuaarnagu siorna atorunnaarsinneqarpoq, tamannalu sanaartornerup unikaallarujussuarneranik kinguneqassaaq, Martin Gjødvad siulittuivoq.
Ineqarneq pillugu suliami „ajortoqalertinnagu nunami qullersaasunit isumaliutigeqqinneqassasoq“ inissianut aningaasaliisartoq neriuppoq.
Isornartorsiuineq Sermitsiap Ineqarnermut Attaveqaqatigiinnermullu Naalakkersuisoqarfimmut saqqummiuppaa, naalakkersuisorlu sulinngiffeqareeruni akiumaartoq naalakkersuisoqarfimmit ilisimatitsissutigineqarpoq.
