Nunatsinni
politikerit pissaaneqarnerpaat sunniuteqarnerpaallu ilaattut ukiuni
50-ingajanni inissisimavoq. Naalakkersuisut siulittaasuattut,
Inatsisartuni siulittaasutut, Inatsisartunut ilaasortatut,
landsrådinut ilaasortatut, Siumumi siulittaasutut,Folketingimilu
ilaasortatut atuuffeqartarsimavoq.
Januaarip
13-iannit 15-iannut, tassa sapaatip akunnerata tulliani,
politikeriusimasoq Lars-Emil Johansen Kommuneqarfik Sermersuumilu
pisortaasimasoq sunniuteqarluartoq Lars Martin Møller-Sørensen
Nuummi Eqqartuussisoqarfik Sermersuumi sassartinneqassapput.
Nunatsinni
politikerit pissaaneqarnerpaat sunniuteqarnerpaallu ilaattut ukiuni
50-ingajanni inissisimavoq. Naalakkersuisut siulittaasuattut,
Inatsisartuni siulittaasutut, Inatsisartunut ilaasortatut,
landsrådinut ilaasortatut, Siumumi siulittaasutut,Folketingimilu
ilaasortatut atuuffeqartarsimavoq.
Januaarip
13-iannit 15-iannut, tassa sapaatip akunnerata tulliani,
politikeriusimasoq Lars-Emil Johansen Kommuneqarfik Sermersuumilu
pisortaasimasoq sunniuteqarluartoq Lars Martin Møller-Sørensen
Nuummi Eqqartuussisoqarfik Sermersuumi sassartinneqassapput.
Peqquserluttuliorsimasutut
unnerluunneqarput.
Nunatsinni
Politiini unnerluussisussaatitaasunit allakkani
unnerluutiginnissutini, Sermitsiamit allagaatinik
takunnissinnaatitaaneq naapertorlugu pissarsiarineqarsimasuni,
takuneqarsinnaasut naapertorlugit taakku marluk ilaatigut
pinerluttulerinermi inatsimmi paragraf 104-mik unioqqutitsisimasutut
unnerluutigineqarput, taanna aningaasanik peqquserluuteqarnermut
tunngavoq.
Unnerluutigineqartut
taakku marluk allakkani unnerluutiginnissutini allassimasut
naapertorlugit “pinerluttulerinermut inatsimmi paragraf 104
naapertorlugu piffissami 2019-imi novembarip aallaqqaataannit 2021-mi
aggustip 31-annut imminut allalluunniit pisassarinngisanik
iluanaaruteqartinniarlugit, peqatigiillutik, isumaqatigeereerlutik
imaluunniit paaseqatigeereerlutik, peqquserlullutik Lars-Emil
Johansen aningaasarsitikkamikku...”
Isumaqatigiissutigineqartoq
Unnerluussummi
allassimavoq Lars Møller-Sørensenip novembarip 7-anni 2019-imi
Lars-Emil Johansen kommunimi siunnersortitut atorfinitsinniarlugu
isumaqatigiissuteqarfigisimagaa. Qaammammut 25.000 koruuninik
akissarsiaqartussanngortinneqarpoq.
Isumaqatigiissutip
ilassutaa atsiorneqareersoq naapertorlugu akissarsiai 2020-mi
septembarip aallaqqaataani qaammammut 40.000 koruuninut
qaffanneqarput.
Lars-Emil
Johansen taamaalilluni 2019-imi piffissami novembarip
aallaqqaataannit aggustip 31-annut 730.000 koruuninik
akissarsisimavoq, naak kommunimut sullissisimanngisaannaraluarluni.
Aallakkani unnerluutiginnissutini taama allassimavoq, tamannalu
annaasaqaataasoq unnerluussummi allassimavoq.
Pisortani
oqartussaatitaanermik atornerluineq
Kommunimi
atorfilittat qullersarisimasaat pinerluttulerinermut inatsimmi
paragraf 49 naapertorlugu oqartussaanermik atornerluisimasutut aamma
unnerluutigineqarpoq, Lars-Emil Johansenip isumaqatigiissutaanut
ilassutitut ilanngunneqarsimasoq naapertorlugu kommunimi atorfilittat
qullersaatut atorfini atornerlullugu pisortat pisinnaatitaaffiinik
soqutigisaannillu unioqqutitsinermigut“.
Allakkani
unnerluutiginnissutini immikkoortoq 3-mi Lars-Emil Johansen
paragraffi taanna naapertorlugu oqartussaanermik atornerluinermut
peqataasimasutut aamma unnerluutigineqarpoq, ”Møller-Sørensen
kajumissaaramiuk isumaqatigiissummut ilanngussamik immikkoortumi
siullermi taaneqartumik atsioqqugu taamaalillunilu pisortat
pisinnaatitaaffiinik soqutigisaannillu unioqqutitsinermigut kommunimi
pisortatut atorfini atornerlullugu”.
Nunatsinni
Politiini unnerluussisussaatitaasup piumasaraa unnerluutigineqartut
taakku marluk pinerluuteqaqqikkunik ukiumi ataatsimi
pineqaatissinneqarsimasunut inissiisarfimmiittussanngortinneqassasut,
730.000 koruuninillu utertitsissasut.
Eqqartuussisoqarfimmi
Sermersuumi pinerlunnermut suliami pissanganartumi immikkut
unnerluussisussaatitaasoq Københavnimi Vestegns Politiineersoq Bo
Bjerregaard unnerluutiginnittuuvoq, eqqartuussissuserisut Peter
Giersing, København, aamma Ulrik Blidorf, Nuuk, Lars-Emil
Johansenimut aamma Lars Møller-Sørensenimut illersuisuussallutik.
Unnerluutigineqartut marluk unnerluussutit pillugit oqaaseqartikkusullugit Sermitsiap sianerfigai.
- Eqqartuussineq sioqqullugu oqaaseqarusunngilanga, Lars Møller-Sørensen oqarpoq.
Lars Emil-Johansen pissarsiassaanngilaq illersuisualu Inuit Law-imeersoq eqqartuussissuserisoq Ulrik Blidorf oqaaseqarusunnani.
