Macron nunatsinnut tikeraarpoq: Qanoq isummerfigineqarnera tusaruk
Ministeriuneq Mette Frederiksen aamma Naalakkersuisut siulittaasuat Jens-Frederik Nielsen mittarfimmi sapaammi ullaap tungaa piareersimapput Frankrigip præsidentia Emmanuel Macron nunatsinnut tikippat tikilluaqquniarlugu. Tikinnissaa sioqqullugu qanoq oqariartuuteqarnersut uani tusaasinnaavasi.
Ministeriuneq Mette Frederiksen, Frankrigip præsidentia Emmanuel Macron kiisalu Naalakkersuisut siulittaasuat Jens-Frederik Nielsen.
Oscar Scott Carl
Frankrigip præsidentia Emmanuel Macron nunatsinnut ullumi tikeraarpoq.
Taanna Naalakkersuisut siulittaasuat Jens-Frederik Nielsen aamma ministeriuneq Mette Frederiksen peqatigalugit Issittumi isumannaallisaaneq, suleqatigiinnissamut periarfissat aamma silap allanngoriartornerata kingunerisai oqaluuserissavai.
Frankrigip præsidentiatali Emmanuel Macronip sinniisullu tikinnginnerini Jens-Frederik Nielsen oqarpoq Frankrigimik suleqatigiinnissamut periarfissaqarluarnerarlugu.
Qanoq oqarnersoq uani tusarnaarsinnaavat:
Ministeriuneq Mette Frederiksenip nuannaarutigaa Amerikamiut tatisimanninnerisa nalaani Emmanuel Macronip tapersersuinera. Erseqqissarpaalu Danmarkip Kalaallit Nunaat piginngikkaa, nunarpullu namminniussuseqartoq:
- Danmarkip Kalaallit Nunaat piginngilaa. Naalagaaffeqatigiiuvugut nunat pingasuulluta, Kalaallit Nunaat, Savalimmiut Danmarkilu kunngeqarfiup Danmarkip ataaniipput. Nammineerlunga nunamik piginninnermik oqalunneq atugarisuunngilara.
- Frankrigip præsidentiata tikeraarnera nuannaarutigeqaara, takutitsisuummammi europami nunat ataatsimoornerat suli attanneqartoq. Nunarsuatsinni nuna ataasiinnaalluni ingerlatsisinnaanngilaq. Pingaartumik USA-mit tatisimaneqarnitsinni kunngeqarfiup pisariaqartilluinnarpaa nunat iligisat nukittuut qanimut attaveqarfiginissai, Mette Frederiksen ilaatigut oqarpoq.
