Nunat
Avannarliit Siunnersuisoqatigiivini Nunatta Savalimmiullu piumasaat
naapertorlugit iliuuseqartoqarnissaa ilimanarluinnarpoq.
Tamannali qanoq sivisutigisumik
piviusunngortinniarneqassava?
Nunat
Avannarliit Siunnersuisoqatigiivini Nunatta Savalimmiullu piumasaat
naapertorlugit iliuuseqartoqarnissaa ilimanarluinnarpoq.
Tamannali qanoq sivisutigisumik
piviusunngortinniarneqassava?
Savalimmiuni
lagmandi Aksel V. Johannessen taama aperineqarpoq, tassa Nunat Avannarliit
Siunnersuisoqatigiivisa Islandimi ataatsimiinneranni Savalimmiut Nunat
Avannarliit Siunnersuisoqatigiivinut tamakkiisumik ilaasortanngornissamik
piumasaqaatai saqqummiummagit.
Savalimmiunit
Kalaallillu Nunaannit tamanna sivisunerusumik utaqqineqartariaqanngilaq. Siunnersuisoqatigiit inatsisit tunngavigisaat,
Helsinkimi isumaqatigiissut, ajornanngippat ullumi aqaguunngitsoq
allanngortinneqaqqaartariaqarpoq, taamaalilluni nunat taakku marluk Ministerit
Siunnersuisoqatigiivini suliassani tamani taasisinnaatitaalissallutik
ministerillu ataatsimiinnerinut tamanut naligiissitaallutik peqataasassallutik.
Savalimmiunili lagmandi piffissamut tunngatillugu mianersorpoq:
- Nunani
Avannarlerni qatanngutigiippugut, aalajangersimasumillu piffissaliinianngilanga.
Suliassap pitsaasumik suliarineqarnissaa pingaarnerpaavoq. Oqalugiartarfimmit
taama oqarpoq.
Taamaattorli
qularutissaanngitsumik Múte B. Egedep (IA) Vivian Motzfeldtillu (S)
pimoorussinerattut pimoorussitiginera qularutissaanngilaq.
- Nunat
Avannarliit Siunnersuisoqatigiivi oqaatigineqartarnerattut inuinnaat
naalakkersueqataanerannik aallussiffiunersaapput, kisiannili pisuni
assigiinngitsuni avataaniitinneqartarpugut. Oqaatigineqartut iliuuseqarfigineqanngippata
(allannguinissaq pillugu), Siunnersuisoqatigiit uagutsinnut naleerutissapput. Tamakkiisumik
peqataatinneqartariaqarpugut imaluunniit peqataanngilluinnartariaqarluta,
oqarpoq.
Naalagaaffiunngitsut?
Ministeriunerup
Mette Frederiksenip (S) ataatsimiinnermi oqaatigaa, tulliani ataatsimiittoqalerpat
Kalaallit Nunaata peqataaqqilernissaa neriuutigigini.
- Kalaallit
Nunaata Savalimmiullu ataatsimiinnerni peqataasarnissaat pingaaruteqarluinnarpoq.
Suleqatigiinnerput nunatut arfineq-pingasutut naligiilluinnartutut isigaarput.
Taamaattumik Helsinkimi isumaqatigiissutip allanngortinneqarnissaa
tapersersorparput, taamaalilluni Savalimmiut Kalaallit Nunaallu sinaakkutit maanna
atuuttut iluanni tamakkiisumik ilaasortanngorsinnaaniassammata, Frederiksen
oqarpoq, Nunallu Avannarliit Siunnersuisoqatigiivini ilaasortanit qinikkanit
ersaartaanneqarluni.
Qinikkat ilaasortaasut
arlallit apeqqusiipput apeqqutigalugulu Kalaallit Nunaata Savalimmiullu Nunat
Avannarliit Siunnersuisoqatigiivinut, naalagaaffiit sinniisoqarfiannut
ilaasortaasinnaannginnerat, inatsimmi tunngaviusumi killilerneqarsimanersoq?
- Inatsimmi
Tunngaviusumi unammillernartut aaqqiissutissarsiussavavut. Inatsisitigut ajornartorsiutit
ilaannikkut politikikkut piumassuseqarluarneq iluaqutigalugu
aaqqinneqarsinnaasarput. Aamma Danmarkimit suleqatigiinnissamut
aqqutissarsiorpugut, tamatumani pineqarluni nunat tamarmik siunissami
peqataatinneqarnissaat, Mette Frederiksen oqarpoq, Savalimmiunilu lagmandip
oqaasiinut atatillugu ilanngussaqarluni:
-
Danmarkimi ministeriunertut paasilluarsinnaavara, Savalimmiut nunanut allanut
politikimut tunngatillugu nukittunerusumik inissisimarusummat. Nammineq
oqaasissaqartutut inissisimarusunneq paasilluarsinnaavara.
Nunanut
allanut tunngasunut naalakkersuisup Vivian Motzfeldtip (S) siunnersuisoqatigiit
kajumissaarpai pereersut puigussagaat siunissarlu isiginiaqqullugu.
- Peqataatitsinerunissamut
piffissanngorpoq, oqarpoq.
