KL

DK

Namminersorlutik Oqartussat oqaassisut: Puisinniarnermi qamuteralaat atorneqassanngillat

Tunumi puisinniarnermi qamuteralannik piniartoqartartoq Piniarnermut naalakkersuisoqarfiup paasisimavaa. Inerteqqutaaneralu naalakkersuisoqarfiup eqqaasitsissutigaa.

Puisinniarnermi qamuteralannik atuisoqassanngitsoq piniarnermut naalakkersuisoqarfik paasissutissiivoq.
KASSAALUK KRISTENSEN Digitalimik aaqqissuisuuneq
Saqqummersinneqarpoq

Qamuteralaat puisinniarnermi atorneqaqqusaanngillat.

Aalisarnermut, piniarnermut, nunalerinermut imminullu pilersornermullu naalakkersuisoqarfik Tunumi piniarnermi unioqqutitsilluni qamuteralannik atuisoqarneranik ilisimatinneqareerluni taama oqaassivoq.

Namminersorlutik Oqartussat puisinniarnermi unioqqutitsilluni qamuteralannik atuisoqartarneranik innuttaasunit paasitinneqarpoq.

Naalakkersuisoqarfik nalunaarummut innersuussivoq, tassanilu allassimavoq timmisartut, qulimiguullit qamutillu motoorillit, matumani qamuteralaat ilanngullugit puisinniarnermi atorneqassanngitsut.

- Taamaattoq immap sikuani immikkullu aqqutigineqarsinnaasutut toqqarneqarsimasukkut pisanik assartuutigineqarsinnaallutik, uuttorniarneq minillugu., nalunaarummi allassimavoq.

Puisinik illersuinermik piniarnermullu nalunaarummik unioqqutitsineq akiliisinneqarnermik pisallu arsaarinnissutaanerannik kinguneqarsinnaavoq aamma allassimavoq.

- Eqqaasitsissutigineqassaaq kommunit arlaqartut qamuteralaat motoorillit pillugit kommunimi ileqqoreqqusaqarmata, kommunerisat paasiniaaffigisinnaavat najugarisanni ileqqoreqqusaqarnersoq, naalakkersuisoqarfik ilisimatitsivoq.

qamutit motoorillit aalisarneq & piniarneq inuiaqatigiit puisit inuussutissarsiornermut kommuneqarfik sermersooq

Atorfiit tamaasa takukkit

– Se alle jobs

Powered by Labrador CMS