KL

DK

SULISITSISUT

 Nunanit allanit suliartortut siooragivallaassanngilagut

– Inuiaqatigiit ineriartorneranni utoqqaat soraarninngorumaartut amerlanerat ukiukinnerusullu ikiliartornerat ilungersunartutut isigisariaqarparput, Sulisitsisuni pisortaq oqarpoq

Oline Inuusuttoq Olsen
Offentliggjort

Nunanit allanit suliartortut ullumikkut 12-13 procentiupput.

Tassa EU-mi Skandinaviamilu sulisut amerlaqatigigaat, kisianni assersuutigalugu Schweizimi sulisunit nunanit allanit suliartortunit ikinnerujussuunerat pitsaasuusoq Sulisitsisut isumaqarput.

Nunanit allanit suliartortut ullumikkut 12-13 procentiupput.

Tassa EU-mi Skandinaviamilu sulisut amerlaqatigigaat, kisianni assersuutigalugu Schweizimi sulisunit nunanit allanit suliartortunit ikinnerujussuunerat pitsaasuusoq Sulisitsisut isumaqarput.

– Aningaasaqarnitta ineriartorneranut takussutissaavoq, ineriartornerlu ingerlaannassappat taamatuttaarlu atugarissaarneq, assersuutigalugu peqqinnissaqarfik, isumaginnittoqarfik, attaveqaasersuutit, utoqqarnik isumaginninneq allarpassuillu ingerlanneqassappata sulisut pisariaqartinneqarput. Tamanna pitsaasuuvoq, Sulisitsisuni pisortaq Christian Keldsen oqarpoq. Utoqqaat soraarnerussutisiaqalertartut amerliartortut

Utoqqaat amerliartorlutillu sulisinnaasut ikiliartormata innuttaasut amerliartornissaat pillugu siulittuutit eqqarsaatigineqassasut Christian Keldsen  SIK-p siulittaasuatut Jess G. Berthelsenitut kajumissaarivoq.

– Inuiaqatigiit ineriartorneranni utoqqaat soraarninngorumaartut amerlanerat ukiukinnerusullu ikiliartornerat ilungersunartutut isigisariaqarparput, Christian Keldsen oqarpoq.

Siunissaq ungasinnerusoq qaninnerusorlu eqqarsaatigalugit pilersaarusiorneq Sulisartut pillugit suliniutit marlunnut immikkoortinneqarsinnaasut Sulisitsisut isumaqarput. 

Siunissaq ungasinnerusoq eqqarsaatigalugu inuiaqatigiit pisariaqartitaannut naleqqussarlugu sulisartunik ilinniartitsinissaq aamma siunissaq qaninnerusumut eqqarsaatigalugu sulisartunik nunasisunik sullissinerup eqaannerulersinnissaa.

 – Nunasisunik sulisoqarnissamut aaqqissuussineq Islandimi Savalimmiunilu aaqqissuussinermut assingusoq kissaatigaarput, tassani sulisut suliap suliarineqarnerata nalaani ullormiit ullormut sulilersinneqarsinnaapput.

- Uagut maani taamaaliorsinnaanngilagut, ilaannikkullu sulisut Kalaallit Nunaannut tikinnissaat utaqqitillugu akissarsisittariaqartarpavut, Christian Keldsen oqarpoq.

Pigisat apeqqutaasartut

Nunami maani suliassat nammineq suliarisinnaannginnatsigit nunanit allaneersut suliartortinneqartarnerannik isuma allanngortinneqassasoq Sulisitsisut kajumissaarutigaat.

– Siornatigut ”oqaluttuarineqartartutut” Kalaallit Nunaanni nammineersinnaannginnatta taamaammat inunnik maanga suliartortunik pisariaqartitsinerput atorunnaarsittariaqarparput. Nammineersinnaavugut! KISIANNI suliassamut angisuumut, tassa inuiaqatigiit ingerlannissaannut, naammattunik sulisussaqanngilagut. Piginnaanerit pineqarpallaanngillat, pigisalli pineqarnerullutik, Christian Keldsen oqarpoq.

Nunanit allaniit suliartortut iluaqutaasut

Inuiaqatigiit innuttaasut ikiliartornerat pimooruttariaqaraat Sulisitsisut pisortaata erseqqissarpaa. innuttaasut Kalaallit Nunaanni inunngorsimasut 2050-imi 39.000-iinnanngussapput, aamma akuutitsinermik eqqarsaateqarnissaq pisariaqartinneqarpoq.

– Akulerutsitsinissaq inuillu Kalaallit Nunaanni najugaqalerneranni immaqalu kinguaariinni arlalinni maaniiginnarneranni periarfissat tamakkiisumik eqqarsaatigisariaqarpagut. 

-Angajoqqaat inuiaassuseqatigiinnerat apeqqutaatinnagu meeqqat maani inunngortut Kalaallit Nunaat angerlarsimaffigalugulu inuiaqatigiinnut peqataasinnaassapput. Innuttaasut amerliartornissaat aamma ”utoqqaatsullitassatut” taaneqartartut pimoorullugit isiginiartariaqarpavut, Christian Keldsen oqarpoq; inuiaqatigiit utoqqarnik isumassuisinnaasunik sulisinnaasutullu ukioqartunik amerlanerusunik amigaateqassapput.

 Akuutitsinissamut politikki pingaaruteqartoq 

Christian Keldsen naapertorlugu innuttaasuni, suliffinni politikkikkullu oqartussaasuni nunami qanoq amerlatigisunik inulimmiinnerput suliassallu qanoq angitiginerat piviusorsiortumik isiginnittaaseqarfigisariaqarparput. 

– Taamaammat avataanit suliartortut ersigisariaqanngilagut, taakkumi inuiaqatigiinnut iluaqutaapput, amerlasuullu inuiaqatigiit aalajangersimasatta kissaatigisattalu attatiinnarnissaannut pisariaqartinneqarlutik, Christian Keldsen oqarpoq, erseqqissarpaalu inuiaqatigiit akulerutsitsinermut politikkip pisariaqartinneqarneranik isummersimanngitsut, oqaatsilli pillugit politikki akiuminaannerusoq.

– Akuutitsinissamut politikki pingaaruteqarpoq. Inuiaqatigiittut tamanna iliuuseqarfigisimanngilarput, taamaaliornissarpullu iluaqutaasinnaakutsoorpoq, Christian Keldsen oqarpoq.

Sulinermi tuluttut oqalunneq

Oqaatsinut politikki siammasinneruvoq, tamannalu Sulisitsisuniit ersarissumik akissuteqarfigissallugu ajornakusoorneruvoq.

– Taamatulli oqarnermi politikkikkut pissutsit pitsaanerulersinniarlugit suliniuteqarneq, assersuutigalugu oqaatsinut pikkorissarsinnaaneq, pineqarpoq, Christian Keldsen oqarpoq nassuiarlugulu sulisut oqaatsinut pikkorissarnermikkut tunngaviusumik pisinnaasat atorlugit ingerlasinnaallutillu paasisinnaaniassammata sulisitsisut ilaat kalaallisut ilisimasaqarnermik qulakkeerinnittuusut. 

Christian Keldsenip nunarsuarmi sumiiffiit allat oqaatsinut politikkimik allaanerusumik ingerlatsisut tikkuarpai.

– Nunani tamalaani suliffippassuit tuluttut oqaaseqartartut inuiaqatigiinni ajornartorsiutaanngikkaluamik allatut oqaaseqartoqartarpoq. Assersuutigalugu suliffeqarfiup suussusaa apeqqutaalluni suliffippassuit tuluit oqaasii ataatsimoorussamik oqaaserigaat ilisimaneqarluarpoq

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

grønlands erhverv udenlandsk arbejdskraft samfund sulisitsisut inuiaqatigiit

ATORFIIT Se alle jobs

Powered by Labrador CMS