Nuuk: Ujaqqerivik nutaaq inuussutissarsiorfinngussaaq

Nuuk Entreprenør illoqarfiit pingaarnersaanni sanaartornermut atortussanik ujarassiorfiusinnaasumik nunaminertamik qinnuteqarpoq, tamatumalu kingorna inuussutissarsiummik pilerinartumik ineriartortitsiffiusinnaasumik.

Nuuk Entreprenøren suliniutissamik qinnuteqarpoq nutaamik ujaqqanik piiaaffimmik, kingusinnerusukkut ineriartortinneqarsinnaasumik suliffeqarfissuarmik qanittumi Anstaltenimut.

Kommuneqarfik Sermersuup ujarassiorfimmik nutaamik siunnersuut tusarnisaassutigaa, juulip qulinganilu tusarniaaneq naavoq.

Ullumikkut ujarassiorfik ataasiinnaq piuvoq, Nuuk Entreprenørilu naapertorlugu mittarfissap nutaap eqqaani inissisimanera pissutaalluni unammillernarpoq. Taavalu ujaraqassusaa pissutigalugu atorunnaarnissaa qalliartorluni.

Sukisaarsaartarfik

Nuuk Entreprenør sumiiffimmik pinerlussimasunut inissiisarfiup kujataatungaaniittoq piukkuppaa, taannalu sukisaarsaartarfittut periarfissaqarani. Sumiiffiup eqqaaniipput pinerlussimasunut inissiisarfik, antenneqarfik, paassaasivik pinngortitarlu Kuanninnguaniit timmut. Immikkoortoq kujataatungaani qaqqartaqarpoq tassuunalu ingerlagaanni majuartaateeraq

tikinneqassaaq.

- NE-mit nunaminertaq taannarpiannguaq soqutigineqarpoq pissutigalugu mittarfiup nunaminertaanut nutaanut Nuussuullu aamma Qinngutsinnut aqqusinermut pingaarnermut qanittunnguummat periusissiorneq assartuinerlu eqqarsaatigalugit inissisimaffigissaarluni. Illoqarfiup killingani inissisimaffik ujaqqeriveqarnissamut inuussutissarsiuteqarnermilu nunaminertassanut aaqqiissutaassaaq pitsaanerpaaq,  tusarniaanermi allassimavoq.

Ujaqqanik piiaaffiup nutaap inissisimaffia Nuummi qanittumi Anstaltenimut.

Ujaqqerivik atorunnaarpat inuussutissarsiuteqarfik nutaaq qulinik nunaminertalik pilersinnaavoq, pilersaarutaavorlu tamaat kaajallallugu isumannaallisaanikkut ungalulersorneqassaaq.

Sumiiffik 5,1 hektarimik annertussuseqarpoq

- Inuussutissarsiornermi nunaminertat illoqarfitta pingaarnersaanni alliartortumi amigaatigaaguttaaq. Tamatuma saniatigut ilaatigut illoqarfiup qeqqanut qanittumi inissialiornissaq pissammat inuussutissarsiuteqarfik Nuukullak qitiusoqarfinngortinneqarpoq. Ineriartorneq pitsaasuuvoq taamaakkaluartoq inuussutissarsiorfissuit nunaminertaqartinnissaat amigaatigineqarpoq, tusarniaanermi nassuiaatini allassimavoq.

Nunaminertaq 5,1 hektariuvoq, inuussutissarsiornermi nunaminertat nutaat 3840 m2-p 4970 m2-llu akornanniipput.

- Ujaqqerivissaq immikkoortumi avannarlermiit sanaartorfissaq 1-imiit 2-miillu aallartissaaq piffissallu ingerlanerani sanaartorfissat sanaartorfissagissarneqar - neri atuuffissaasalu piareersarneri ilutigalugit kujammut ineriartorluni. Matumani immikkoortukkaartumik sanaartorneq ukiuni 5-10-ni pissaaq.

14-inik sulisulik

Nuuk Entreprenør 14-inik sulisulik 1999-imiilli piuvoq, biilerujussuarnik assallatserutinik, gummigedinik, dumperinik, ujaqqanik aserorterutinik, qillerutinik biileqarluni il.il. Erseqqissarneqarpoq entreprenørip biilii EU-p piumasaqaataanut naapertuuttut, partikelinillu filterilinnik, biilinit dieselinik ingerlatillit partikelinik ajoqutaasunik NOX-inik aniatitsinermik annikillisaasunik.

Powered by Labrador CMS