KL

DK

Nuup mittarfianiit Kalaallit Nunaata avataanut nassiussisoqarsinnaanngoqqippoq

Nuup mittarfiata Danmarkimut nunanullu allanut nassiussanik suliarinnissinnaaneranut akuersissut angallannermut aqutsisoqarfimmit sapaatip-akunnerani kingullermi atorunnaarsinneqarpoq. Ajornartorsiullu maanna aaqqinneqarmat timmisartukkut assartuussineq nangeqqissinnaanngorpoq.

Nuup mittarfianiit avammut nassiussisoqarsinnaanngoqqippoq.
Morten Okkels Tusagassiortoq
Saqqummersinneqarpoq

Allakkanik nassiussanillu allanik Nuummiit timmisartukkut nassiussisoqaqqissinnaalerpoq.

Angallannermut Aqutsisoqarfiup Nuummi mittarfimmi isumannaallisaanikkut aaqqitassaqartoq sapaatip-akunnerani kingullermi paasigamiuk timmisartukkut allakkat nassiussallu assartuunneqarsinnaanerannut akuersissut arsaarinnissutigaat. Tamatuma kingunerisaanik timmisartukkut allakkanik nassiussanillu allanik nunap avataanut assartuussisoqarsinnaajunnaarpoq.

Maannali tamanna aaqqinneqarsimalerpoq akuersissummillu tunniussisoqaqqilluni.

- Taamattumi timmisartukkut nassiussat Nuummiit nunap avataanut pisarnermisut ingerlaqqilerput. Paasinninnissinnut qutsavigaatsigit, Greenland Airports allappoq.

Ajornartorsiut misissuisarnerni ingerlariutsinut ataasiakkaanut tunngavoq. Angallannermut aqutsisoqarfik isumannaallisaanermut tunngatillugu annerusumik paasissutisseerusunngilaq.

ny lufthavn i nuuk nuuk luftfragt inuiaqatigiit trafikstyrelsen samfund

ATORFIIT Se alle jobs

Powered by Labrador CMS