Ineqarnermut Attaveqaqatigiinnermullu Naalakkersuisoq Hans Peter Poulsen aamma Danmarkimi angallannermut ministeri Thomas Danielsen juunip 26-ani timmisartunik nakkutilliivimmik nutaamik sumi inissiisoqarnissaa pillugu ataatsimeeqatigiipput, tamannali kinguneqanngilaq.
Timmisartunik nakkutilliivik Qaqortumi inissisimassasoq Naalakkersuisut kissaatigaat, danskilli naalakkersuisuisa tamanna misissorniarlugu itigartippaat, inissiivissatut pitsaanerpaatut Nuuk aalajangiusimaneqarmat.
Ineqarnermut Attaveqaqatigiinnermullu Naalakkersuisoq Hans Peter Poulsen aamma Danmarkimi angallannermut ministeri Thomas Danielsen juunip 26-ani timmisartunik nakkutilliivimmik nutaamik sumi inissiisoqarnissaa pillugu ataatsimeeqatigiipput, tamannali kinguneqanngilaq.
Timmisartunik nakkutilliivik Qaqortumi inissisimassasoq Naalakkersuisut kissaatigaat, danskilli naalakkersuisuisa tamanna misissorniarlugu itigartippaat, inissiivissatut pitsaanerpaatut Nuuk aalajangiusimaneqarmat.
Akiliut
Kangerlussuarmi Narsarsuarmilu inissiisoqarsinnaanersoq misissorneqareerpoq, Nuullu illoqarfittut kisiartaalluni teknikkikkut pisariaqartunik attaveqaateqarsinnaallunilu, sulisussarsiorfiusinnaallunilu sulisunik attassisinnaaviusoq inerniliunneqarpoq.
- Naviair periarfissanik allanik misissuinissaanik assartuinermut ministerip maannakkut peqqusinnaanngilaa. Misissuineq Naalakkersuisunit akilerneqartariaqartoq assartuinermut ministeri isumaqarpoq. Assartuinermut ministeri isumaqarpoq misissuinermi sammineqartut arlallit Naviairimut attuumassuteqanngitsut, Hans Peter Poulsen ataatsimiinnerup kingorna Sermitsiamut oqarpoq nangillunilu:
- Silaannakkut angallannermut tunngasut danskit oqartussaaffigigaat, taamaattumillu danskit oqartussaasui misissuinermut aamma akiliisariaqartut akerlinganik Naalakkersuisut isumaqarput.
Aasaanerani sulinngiffeqarnerup kingorna oqaloqatigiinnerit nanginneqarnissaat pilersaarutaasoq, Hans Peter Poulsen ilisimatitsivoq. Naalagaaffeqatigiit Kalaallit Nunaannit, Savalimmiunit Danmarkimillu politikkikkut siuttuusut ataatsimiinneranni tamanna oqaluuserissallugu Naalakkersuisut aamma pilersaarutigaat, oqarpoq.
Aalajangiisooqataaneq
- Suliniut Kalaallit Nunaannut pingaaruteqarpoq, aammali uagut aalajangiisooqataalluta pitsaasumik ingerlanneqartariaqarpoq, naalakkersuisoq erseqqissaavoq.
- Suliniut Kalaallit Nunaanniippoq Kalaallit Nunaatalu silaannartaa pineqarluni, soorluttaaq siunissami Kalaallit Nunaanni attaveqaasersuinermut pingaarutilimmik ilaasoq. Taamaattumik timmisartunik nakkutilliinermut qitiusumi pilersaarusiornermut inissisimaffissaalu pillugu politikkikkut suliaqarnermut Naalakkersuisut peqataanerat pissusissamisuuginnarpoq, Hans Peter Poulsen erseqqissaavoq.
