Politiit takunnissimasunik ujaasipput – Nuup qeqqani biilinik malersuineq
Kalaallit Nunaanni Politiit sapaatip unnuaani biilinik malersuinermik takunnissimasinnaasunik imaluunniit pisumut qanimut ulorianartorsiortinneqarsimasunik ujaasipput. Takusaqarsimaguit imaluunniit pisunninni aporneqagajassimaguit Politiit attaveqarfigikkit.
17/02/11
Assiliisoq: Leiff Josefsen
Nuummi sapaatip unnuaani biilinik malersuisoqarnerani takunnissimasunik Kalaallit Nunaanni Politiit ujartuipput.
Taakkunannga biilinit aporneqangajassimasut politiit aamma tusarfigerusuppaat. Biilertoq politiinit unitsinneqarpoq imigassartorlunilu biilersimasutut unnerluutigineqarluni.
Biilinik malersuinermut atatillugu, sapaammi oktobarip 13-iani 2024-mi unnuakkut nalunaaqutaq 04.45-mit 05.00-ip akornanni pisumut, Nuummi politiit pisumut takunnissimasinnaasunik ujartuipput. Biili Nuup illoqarfiata qeqqatigut malersorneqarpoq, tassungalu atatillugu innuttaasut malersuinermik takunnissimasinnaasut imaluunniit pisuinnaat malersuinermi ulorianartorsiortinneqarsimasut politiit tusarfigerusuppaat.
- Illit nalunngisaqarpit takunnittuuilluunniit biilinik malersuinermik, inuunermik navianartorsiorpit aportingajallutilluuniit? Sumiiffinni Imaneq, Qullilerfik, Pikkori Sportip biilinut inissiisarfiani, imerniartarfiullu Daddys-ip eqqaani, politiit Facebookimi allapput.
Politi uunga 70 1448 attavigineqarsinnaapput.
