Sermersuup aqqusineq matugaa
Nuuk Centerip eqqaatigut aqqut maajip naalerneraniit biilinik aqqutigineqarsinnaajunnaarallassaaq. Taamaaliorneq pisuinnarnut isumannaannerulersitsinissamik siunertaqarpoq.
Grafik: Kommuneqarfik Sermersooq
Nuummi Kuussuup aamma H.J Rinksvejip akornanni aqqut, Nuuk Centerip eqqaatigoortoq, maajip 27-aanit 2024-mi matuneqarallassaaq.
Kommuneqarfik Sermersooq nittartakkamini allappoq.
Matusineq misileraanermut ilaasoq kommunip angallannermi isumannaallisaanerunermik attaveqaatinillu pitsanngorsaaniarneranik siunertaqarpoq. Aqqut taanna immattarlunilu ukiuuneranik patsiseqartumik aamma aserfallattarpoq.
- Matusineq pisuinnarnut isumannaannerulersitsivoq aamma aqqutinik immikkoornerulersitsilluni, taamatullu pisuinnaat biilertullu aaqqiagiinngissutigisinnaasaannik millisitsissaaq, Kommuneqarfik Sermersooq allappoq.
Misileraanerup nalaani aqqusineq matuniarlugu immikkoortitsissutitut betonersuarnik inissiisoqassaaq. Nalilersuisoqareerneratigut matusinerup ataavartunngortinnissaa eqqarsaatigineqarsinnaasoq kommuni allappoq.
Misileraalluni matusinissamut tunngasut kommunip nittartagaani atuarneqarsinnaapput.
