Angutit arnallu tamarmik siunissami atorfissaqartilluarneqassapput. Inuusuttorpassuit siunissami inuiaqatigiinni pingaaruteqarnerpaasut siusinaartumik soraarnerussutisisalernissaannut suliaq sivisuumik ingerlasinnaammat utaqqingaatsiartarsinnaanerat ajornartorsiutaaneruvoq.
Kommuneqarfik Sermersooq »suliffeqartitsinermi pilersaarummi« nutaami inuusuttut suliffeqanngitsulli allat suliffittaarnissaannik ikiorniarlugit suliniuteqarneq aallartippaat. AG-mit pilersaarut atuarparput, tassani unammillernartut kisitsisinngorlugit nassuiaqqissaarneqarsimapput.
Angutit arnallu tamarmik siunissami atorfissaqartilluarneqassapput. Inuusuttorpassuit siunissami inuiaqatigiinni pingaaruteqarnerpaasut siusinaartumik soraarnerussutisisalernissaannut suliaq sivisuumik ingerlasinnaammat utaqqingaatsiartarsinnaanerat ajornartorsiutaaneruvoq.
Kommuneqarfik Sermersooq »suliffeqartitsinermi pilersaarummi« nutaami inuusuttut suliffeqanngitsulli allat suliffittaarnissaannik ikiorniarlugit suliniuteqarneq aallartippaat. AG-mit pilersaarut atuarparput, tassani unammillernartut kisitsisinngorlugit nassuiaqqissaarneqarsimapput.
- Kommuneqarfik Sermersuumi siusinaarlutik soraarnerussutisiallit 2018-imiilli 11 procentimik amerleriarsimapput, kommunep 2023-mi misissuinerani takuneqarsinnaavoq. Tassunga ilanngullugu ineriartornerup inuusuttut siusinaarlutik soraarnerussutisiaqartut 18-iniit 29-nut ukiullit 71 procentimik qaffariarujussuarsimanerat takutippaa, pappialani allassimavoq.
Taamatuttaaq najukkani suliffissarsiortut sulisunit tikisitaniit kingulliunneqartarnerannik eqqarsartoqartarnera misissuinermittaaq nassuiarniarneqarpoq. Taamaakkaluartoq sulisinnaasut amerlanerit pisariaqartinneqarput. Tikillutik suliartortartut najukkami sulisartut taarsernagit ilasarpaat.
Avataaniilli tikittut nutaat ukiuni kingullerni amerlanerat ilumoorpoq; tassunga atatillugu avataaneersut »nunat avannarliit avataaneersunik« taaneqarput.
- Nunanit tamalaaniit suliartortoqartarnera 2016-imiit 2022-mut qaffammat inuit katillugit 397-it (kommunemut, aaqq.) suliartorput. Qaffariarneq najukkami sulisartut suliffissaannik arsaarinnissutaanngilaq, tassami piffissami tassani suliffissarsiortutut nalunaarsorsimasut 1236-iniit 512-inut appariarsimapput, tassa imaappoq 724-nik ikileriarsimapput, suliffeqartitsinermi pilersaarummi allassimavoq.
Nappaatip suussusianik paasinninnerit kingunerlutsitsinerillu
Kommuneqarfik Sermersuup kisimiinnani sulisartoqarfimmi ineriartorneq pingaarutilik nakkutigaa. Oqaluuserisaq aamma Kalaallit Nunaannut suliffissarsiortut killilersimaarnissaat pillugu inatsisissatut siunnersuut kingorna tunuartinneqartoq pissutigalugu Kalaallit Nunaanni Inatsisartut ukiaanerani ataatsimiinnerini oqaluuserineqarpoq. Atassut sinnerlugu oqaaseqartartup Bentiaraq Ottosenip kikkulluunniit Kalaallit Nunaanni sulisinnaasut tikilluaqquneqartariaqartut tikkuarpaa. Eqimattat aalajangersimasut immikkut ittumik eqqarsaatigai:
- Kalaallit Nunaannut atassuteqartorpassuit nunani allani ilinniarsimapput, taakkulu pisariaqartippagut, oqarpoq.
Oqaluuserinninnermi tassanittaaq Anna Wangenheimip (D) najukkani innuttaasut suliffissani inuttaqanngitsuni sulilersinneqarneq ajortut eqqaavai:
- Nunatsinni inuusuttut amerlavallaarujussuartut meeqqat atuarfiat naammassigaangamikkut ingerlariaqqinneq ajorput. Aammattaaq inuit suliffeqanngitsut 1.000-ingajaat sulileriaannartut naliligaasimapput, tassa eqimattat 1, Wangenheim oqarpoq.
Sermersuup pilersaarutimini Majoriap innuttaasut sullissivinni sullinneqarnissaminnut immikkut pisariaqartitsisut pillugit suliniutini ingerlatiinnassagai erseqqissarpaa. Tassani pineqarput inuusuttut nappaatinik assigiinngitsunik suussusersiffigineqarsimasut kingunerlutsitsisimasulluunniit. Nikerartumik sulisinnaanermut aaqqissuussinerit ullup affaanilu sulisinnaanerit annertunerusut, assersuutigalugu inunnut killilimmik sulisinnaassuseqartunut akunnerni 20-ni sulisinnaaneq, suliniutigineqassapput.
