Toqusoqarnerani pasitsaassineq: Angut 20-nik ukiulik toqungasoq nassaarineqarsimasoq
Kalaallit Nunaanni Politiit pasitsaanneqartumik toqusoqarnera suli paasiniarpaat, tassani angut 20-nik ukiulik toqungasoq blok 5-imi tallimanngornermi ullaap tungaani nassaarineqarpoq. Pinerluttoqarsimatillugu misissuisartut Danmarkimit aggersarneqarput. Politiit uppernarsarsinnaanngilaat suliami tigusaqarsimanersoq pasisaqartoqarnersorluunniit, aamma toqusoqarnerani pissutsit suut pasitsaanneqarnersut oqaatigineqarsinnaanngikkallarput.
Assiliisoq: Leiff Josefsen
Innuttaasut blok 5-ip eqqaani assersuineq suli ataqqisariaqarpaat, Kalaallit Nunaanni Politiit pasitsaanneqartumik toqusoqarsimaneranik suliaq suli misissormassuk. Angut toqungasoq blok 5-imi tallimanngornermi ullaap tungaani nassaarineqarsimavoq.
- Angut 20-nik ukiulik toqungasoq najukkamini nassaarineqarpoq. Toqusimasoq kinaassusersineqarpoq ilaqutaalu ilisimatinneqarlutik, Kalaallit Nunaanni Politiit ilisimatitsipput.
Politiit apersorneqaramik uppernarsarsinnaanngilaat pasisaqartoqarnersoq, toqungasoq qanoq itsillugu nassaarineqarsimanersoq aamma sooq toqunera pasinartoqarnersoq.
Takunnissimasinnaasunik killisiuinerit ingerlapput
Ippassaq tallimanngornermi oktobarip sisamaani 2024-mi nal. 10.22 Kalaallit Nunaanni Politiit nalunaarfigineqarput angut toqungasoq Nuummi H.J. Rinksvejimi blok 5-imi toqqorsivimmi nassaarineqarsimasoq.
Tamatuma kingorna politiit innuttaasut sumiiffimmi pasinartumik takunnissimagunik tusarsimagunilluunniit politiinut nalunaaruteqqullugit qinnuigaat. Aammattaaq innuttaasut immiussissutinik nakkutilliissutinik sumiiffimmi peqartut immiussaminnik tunniusseqqullugit politiit qinnuiginnissimapput.
- Politiit nalunaaruteqarnermiit suliartorsimapput aamma sumiiffik matuneqarsimavoq misissuinermut siullernut atatillugu. Aamma sumiiffimmi pisimasunik paasiniaanerit aamma apersuinernik ingerlatsisoqarsimavoq, politiit allapput.
Timinik misissuisartut pinerluttoqarsimatillugulu paasiniaasartut tikilersut
- Timinik toqungasunik misissuisartut pinerluttoqarsimatillugulu misissuisartut Danmarkimiit ikiuukkiartorlutik aggersarneqarsimapput. Taakku sapaatip akunnerata tulliani tikissapput. Politiit suli sumiiffimmi sulipput innuttaasullu sumiiffimmi assersuisoqarsimaneranit ataqqinninnissaannik suli kaammattorneqarput, politiit tusagassiutinut nalunaarummi allapput.
Kalaallit Nunaanni Politiit suli kaammattuutigaat, innuttaasut blok 5-ip eqqaani pasinarsinnaasumik takusaqarsimasut allatigulluunniit ilisimasaqarsinnaasut politiinut saaffiginnissasut. Politiit oqarasuaatikkut attavigineqarsinnaapput uunga 70 1448.
