Tukuma kinguartoortoq - pisiniarfiit arlallit nioqqutissanik amigaateqartut
Royal Arctic Linep umiarsuaa Tukuma Arctica ilimagisamit sivisunerusumik amutsivimmeereerluni kinguaattoorpoq. Pisiniarfiit amerlanerusunik ataasinngornermi nioqquteqalernissaq naatsorsuutigaat.
Tukuma Arctica ilimagisamit sivisunerusumik amutsivimmiimmat Kalaallit Nunaannut nassiussat kinguaattoorput.
Jesper Hansen
Royal Arctic Linep umiarsuaa Tukuma Arctica Kalaallit Nunaannut nassiussanik assartuinermi kinguaattoorpoq, tamanna ilimagisamit sivisunerusumik amutsivimmiinneranit pissuteqarpoq.
RAL nittartakkamini taama allappoq.
Nassiussat kinguaattoornerannit Nuummi pisiniarfinni paarnat, qallersuutit, manniit nioqqutissallu allat nungutersimapput.
Pisiffik Brugsenilu ataasinngornermi februaarip pingajuanni nutaanik nioqquteqaqqilissallutik nalunaarput.
- Islandimiit aallaruni angalanissamut pilersaarummut nalinginnaasumut uteqqinnissaa sulissutigaarput., RAL nalunaarpoq.
