KL

DK

NAALAKKERSUISUT SIULITTAASUAT

USA-mik suleqateqartariaqarnerput piviusuuvoq

- Kalaallit Nunarput uagut pigaarput, uagut aalajangiiffissaraarput, Naalakkersuisut siulittaasuata naqissuserpaa. Taassuma USA-p suleqatiginerulernissaanik oqaloqatigiinnissaq ammaffigaa. Repræsentanternes Husimi republikanerit inatsisissatut siunnersuut præsidentinngortussap Kalaallit Nunaata pisiarinissaa pillugu Danmarkimik isumaqatiginninniarsinnaanngortillugu saqqummiunniarnerani tamanna pivoq.

Suleqatigiinnerup annertusarnissaanut toqqammavissat ukiorpassuarni ingerlanneqarsimapput annertusarneqaqqillutillu, ippassaq ullumi aqagulu USA-mik suleqateqartussaanerput taanna piviusuuvoq, Múte Bourup Egede oqarpoq. Assi: Arnaq Nielsen
Oline Inuusuttoq Olsen
Offentliggjort

Youtubemi saqqummersitsisartut Amerikamiut Canadamiullu Nelk Boys Nuummi aqqusinermi marlunngormat aalassatsitsipput.

Nasanik teqqialinnik "Make America Great Again"-imik allassimasulinnik aningaasanillu dollarinik Nuummiunut nalaatsornerinnakkut sanioqquttunut matunulluunniit kasuttoqattaarlutik agguaapput.

Youtubemi saqqummersitsisartut Amerikamiut Canadamiullu Nelk Boys Nuummi aqqusinermi marlunngormat aalassatsitsipput.

Nasanik teqqialinnik "Make America Great Again"-imik allassimasulinnik aningaasanillu dollarinik Nuummiunut nalaatsornerinnakkut sanioqquttunut matunulluunniit kasuttoqattaarlutik agguaapput.

Republikanerineersup Andy Oglesip inatsisissatut siunnersuutaa “Make Greenland Great Again Act” (Kalaallit Nunaat ingerlalluaqqilerli aaqq.) saqqummiunneqarnerata aqaguani tamanna pivoq. Siunnersuutip præsidenti (januaarip 20-anni nalunaaqutaq 12.01 ivertinneqartussaq) USA-p Kalaallit Nunaannik pisinissaa qulakkeerniarlugu Kunngeqarfimmik Danmarkimik isumaqatiginninniarsinnaanngortissavaa. Siunnersuut republikanerineersunit quliniit tapersersorneqarpoq.

Republikanerip Andy Oglesip inatsisissatut siunnersuut "Make Greenland Great Again Act" saqqummiuppaa. Assi House.gov

USA-p aningaasaqarnera isumannaallisaanikkullu soqutigisai tunulliunneqaqqissanngillat, Repræsentanterillu Illuanni republikanerit præsidenti Trumpip Amerikamiut soqutigisaannik isumaginninnissaanut ikiornissaanut piareersimapput.

Andy Ogles Fox Newsimut januaarip 14-ani oqarpoq.

Inatsisissatulli siunnersuut Kongressip immikkoortuini marlunni, Senatimi aamma Repræsentanternes Husimi akuersissutigineqaqqaassaaq. Donald Trumpip Kalaallit Nunaata pisiarinissaanik isumassarsiaa Trumpip republikanerinit suleqataanit nuannarineqartorujussuusoq Amerikamiut tusagassiorfiat Fox News allappoq, isumassarsiamillu tapersersuisut Kalaallit Nunaata Ruslandimut, USA-p akerlilersuisuisa annersaannut, qanittumi inissisimaffia maluginiarsimavaat.

Partiit siuttui isumaqatigineqassasut

USA-mut, naalagaaffissuarmut pissaanilimmut, "kasuttortumut" ataatsimoorluni aaqqiissutissamik Kalaallit Nunaannut iluaqutaasussamik qulakkeerinninniarluni Naalakkersuisut siulittaasuata Múte Bourup Egedep (IA) Inatsisartuni partiit siulittaasui marlunngornermi ataatsimeeqatigai.

- Uiverata isumatusaartumik pisariaqarpugut. Pissutsit imaannaanngitsuupput aamma tusaasagut imaannaanngitsuupput. Inuiaqatigiittut ataaatsimoortariaqarpugut. 

- Politikkikkut siammasissumik inissisimagaluarluta ullumikkut atukkatsinni assigiinngissitaartumik toqqammaveqarnata ataatsimoornermik toqqammaveqarutta inuiattut nukittunerpaarpaamik inissisimanissarput aamma aalassatsikkuminaattorujuunissarput tassuuna toqqammavilissagipput naalakkersuisut isumaqarput, Múte Bourup Egede tusagassiortunik ataasinngormat katersortitsinermi oqarpoq.

”Kalaallit Nunaat pigigipput” arlaleriarluni oqaatigisaqattaarpaa.

- Kalaallit Nunarput uagut pigaarput, Kalaallit Nunarput siunissami qanoq ilusilersussallugu uagut aalajangiiffissaraarput, Múte Bourup Egede oqarpoq. Kalaallilu namminneq aalajangiisinnaasut erseqqissarlugu.

- Aamma kalaaliuvugut, qallunaajunianngilagut, amerikamiuunianngilagut imaluunniit inuiaat allat kikkunnut ilanngunnianngilagut. Inuiattut ataatsimoortariaqarpugut. Qinigaaffik aggersoq inuiattut oqalliffigisariaqagarput aalajangiiffigisariaqangarput siunissaq qanoq ittoq kissaatiginerlugu. Nammineq aalajangiiffigisinnaavarput, Múte Bourup Egede oqarpoq

USA attaveqarfigigaa

Danmarkip Amerikamiut sakkutuuisa Kalaallit Nunaanni amerlanerulersinnaanerat pillugu oqaloqatigiinnissamut piumassuseqarnini ersersillugu ministeriunerup Mette Frederiksenip Donald Trumpi allaffigisimagaa amerikamiut tusagassiorfiat Axios allappoq.

USA-p sakkutuui Kalaallit Nunaanneereermata sakkutuut amerlanerit pisariaqanngitsut USA-p vicepræsidentissaa JD Vance Fox News-imit apersorneqarnermini oqaatigaa. Kalaallit Nunaalli pillugu isumaqatigiissuteqartoqartariaqartoq, tamannalu Naalakkersuisut siulittaasuata Múte Bourup Egedep tusarnaarpaa.

Ministeriunerup Mette Frederiksenip Donald Trump oqaloqatigaa, toqqaannaq inuanut attaveqarniareerluni. Assi: Trine Juncher

- Amerikamiut vicepræsidentissaata sakkulersornissaq Kalaallit Nunaannut siunertarinagu ersarissaavigaa. Sillimaniarnikkut annertusisamik iliuuseqartariaqarnermik amerikamiut oqariartuutaat isigissavarput, aamma aatsitassat nunatsinni pigisatta atorneqarsinnaanissaanik oqariartuuteqarnerat.

-  Nunat pissaanilissuit akunnerminni pissaaneqarniuunnerminni massakkut pingaartittorujussuusaat annertusiartortoq tassaavoq pilersorneqarsinnaanikkut pinngitsoorneqarsinnaanngitsunik qulakkeerinninnissaq, Múte Bourup Egede oqarpoq. 

Nunat pilersuinermut kisermaassipajaarlutik ingerlasimanerannut nunat killiit unammillissagunikkit nunarput annertoorujussuarmik qiviallukarlugu inissisimaffigivaat. Tamanna nutaarsiassaanngilaq. Qinigaaffimmi uani naalakkersuisut sulinermikkut EU-mik amerikamiunillu qanimut suleqateqarneq annertusarsimavaat.

Múte Bourup Egede oqarpoq.

Kalaallit Nunaata USA-mi aallartitaasa atorfilittallu præsidentinngortussaq Donald Trump ataatsimeeqatiginissaa sulissutigigaat ilanngullugu oqaatigaa.

- Suleqatigiinnerit tamarmik oqaloqatigiinnermik aallaaveqartarput, aammalu taamaalilluni aqqutissanik nassaaqatigiinnermik tunngaviliisoqartarluni, Múte Bourup Egede oqarpoq, ataatsimiinnissarli qaqugu pissanersoq oqaatiginagu.

Præsidentinngortussap ernini Nuummut tikeraareersorlu Kalaallit Nunaannut tikeraarusulluni oqaatigereernikuuaa.

Aatsitassarsiorneq ineriartortoq

Kalaallit Nunaata, Danmarkip USA-llu akornanni isumaqatigiissutit atuuttut tunngavigalugit USA-p Kalaallit Nunaatalu suleqatigiinnerat nutaajunngitsoq Múte Bourup Egedep nassuiarniarsarivaa. Oqaluttuarisaanermi suleqatigiinnermit, soorlu 1951-imi illersornissamut isumaqatigiissut ilaatigut USA-p Pituffimmi radareqarfimmik sananissamik tunngaviusoq. 

Igalikumi isumaqatigiissut, ilisimatusarnermut, avatangiisinut, ilinniartitaanermut, silaannakkut angallannermut Kalaallit Nunaannilu niuernermut aningaasatigut teknikkikkullu tapersersuinermut suleqatigiinnerulernissamut periarfissaqalersitsisut.

- Suleqatigiinnerup annertusarnissaanut toqqammavissat ukiorpassuarni ingerlanneqarsimapput annertusarneqaqqillutillu, ippassaq ullumi aqagulu USA-mik suleqateqartussaanerput taanna piviusuuvoq.

Aatsitassarsiornerup iluani, aammalu taamaalilluta piareersimanerput inuussutissarsiutip taassuma inerisarnissaanut avammut taakkununnga ersarissartarsimallugu, taamaammallu aatsitassarsiornikkut inerisaasinnaanermut periarfissanik matunik ammatitsereernerput piffissami ukiunilu aggersuni timitaliiffigineqassasoq naatsorsuutigaara,

Múte Bourup Egede oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

trump selvbestemmelse samfund usa partiformænd nunat tamalaat nunarput tuniniagaanngilaq nammineq aalajangiisinnaassuseq múte b. egede mineralske råstoffer mette frederiksen make greenland great again act lovforslag købe grønland kalaallit nunaat inuiaqatigiit internationalt igaliku-fælleserklæringen grønland er ikke til salg grønland fox news forsvarsaftalen 1951 formand for naalakkersuisut donald trump axios andy ogles statsminister

ATORFIIT Se alle jobs

Powered by Labrador CMS