KL

DK

KJ Greenlandimi ineriartorneq nutaaq isumalluarnerulersitsisoq

KJ Greenland ukiuni arlalinni aningaasaqarnikkut ingerlanerlioreerluni isumalluarnerulerpoq. 2024-p aallartinnerani suliffeqarfik 900 millionit koruunit missaannik nalilimmik suliakkerneqarsimavoq.

KJ Greenland skrev sidste år kontrakt med Kalaallit Airports på opførelse af lufthavnsbygningerne i den nye regionale Qaqortoq lufthavn. Det indledende arbejde er startet.
NKJ Greenland Qaqortumi mittarfissap nutaap sanaartornissaanut Kalaallit Airports siorna isumaqatigiissuteqarfigaa. Suliaq aallarniutaasoq aallartereerpoq.
Freelance Tusagassiortoq
Saqqummersinneqarpoq

Kalaallit Nunaanni sanaartornermik suliaqartut suli aningaasatigut ajornartorsiorput. Sanaartornermik suliaqartut annersaasa tulliat KJ Greenland A/S eqqugaasut ilagaat.

Suliffeqarfik 2023-mi akileraarutit suli ilanngaatiginagit 6,2 millionit koruuninik sinneqartooruteqalaarpoq, 2022-mi akileraarutit suli ilanngaatiginagit 7,5 millionit koruuninik amigartooruteqarluni.

Kalaallit Nunaanni sanaartornermik suliaqartut suli aningaasatigut ajornartorsiorput. Sanaartornermik suliaqartut annersaasa tulliat KJ Greenland A/S eqqugaasut ilagaat.

Suliffeqarfik 2023-mi akileraarutit suli ilanngaatiginagit 6,2 millionit koruuninik sinneqartooruteqalaarpoq, 2022-mi akileraarutit suli ilanngaatiginagit 7,5 millionit koruuninik amigartooruteqarluni.

Kalaallit Nunaanni sanaartornermik suliaqartut isertitaat ataatsimut isigalugit suli annikipput. KJ Greenlandimi 2023-mi akileraarutit suli ilanngaatiginagit sinneqartoorutit 450 millionit koruuninik kaaviiaartitaqartumut sanilliukkaanni annikipput.

Suliffeqarfik avannaani Ilulissani qullersaqarfeqartoq 2023-mi sinneqartooruteqartoq, MT Højgaard Grønland Københavnimi qullersaqarfilik, sanaartornermik ingerlatsiviit MT Højgaard Holdingip pigisaa, 329 millionit koruuninik kaaviiaartitaqarnerminit akileraarutit suli ilanngaatiginagit 132 millionit koruuninik amigartooruteqarpoq.

Ukioq manna KJ Greenlandip ilimagisai aallaavigalugit pikkunartorsiorneq oqinnerulerniarpasippoq.

20-25 millionit koruuninik sinneqartoornissaq naatsorsuutigineqartoq

2023-mi angusat akileraarutit suli ilanngaatiginagit 10-15 millionit koruuninik angusaqarnissamit ilimagineqartumit appasinnerulaarput. Ukioq manna akileraarutit suli ilanngaatiginagit 6,2 millionit koruuninik angusaqarneq aqutsisunit naammaginartutut isigineqarpoq.

KJ Greenland, pisortaasut piginneqataasullu marluk qatanngutigiit Karl aamma Jens Jensen siuttoralugit, maannakkut naammaginartumik suliakkerneqarsimavoq. 2024-p aallartinnerani 900 millionit koruuninik nalilinnik suliakkerneqarsimavoq. Aqutsisut naatsorsuutigaat 2024-mi akileraarutit suli ilanngaatiginagit 20-25 millionit koruuninik angusaqassallutik.

Sanaartornermi annaasat

Flyveledertårnet i den kommende internationale lufthavn i Ilulissat er en af de bygninger, KJ Greenland har kontrakt på at bygge for KAIR. Projektet har været en underskudsforretning for KJ.
Ilulissani mittarfissarsuup nakkutilliisarfia KJ Greenlandip KAIR-imut sanaartugassatut isumaqatigiissutaasa ilaraat. Suliaq KJ-imut amigartoornermik kinguneqarpoq.

KJ Greenland 2023-mi ukiut siulii marluk assigalugit sanaartornermut atortussat akiisa qaffakkiartornerat pissutigalugu tatineqangaarpoq, taamaattumillu suliffeqarfiup sanaartornerni angisuuni arlalinni isumaqatigiissutit iluanaaruteqarfiginissaat ajornakusoortippaa. Akit isumaqatigiissuteqareernerup kingorna qaffakkiartorsimammata.

Soorlu Sermitsiami novembarimi allaaserineqartumi KJ Greenland Ilulissani kollegianik sanaartornermini annaasaqarpoq. Ilulissanilu mittarfissap nutaap sanaartornerani sanaartornermut atortunut millionilikkaanik immikkut aningaasartuuteqarsimalluni. Namminersorlutik Oqartussat kollegianik sanaartortitsisuuvoq, mittarfiliornermullu sanaartortitsisuulluni Kalaallit Airports, KAIR.

Hotel Ilulissat Jens Friis-Sallingimit, Frankimit Tommy Baggerimillu pigineqartumik, sanaartornerani aningaasarpassuarnik annaasaqarsimavoq.

Suliffeqarfik nalinginnaasumik Avannaata Kommuniani Kommune Qeqertalimmilu sanaartortaraluartoq, ukiumi naatsorsuusiorfiusumi Kujataani Qaqortumi mittarfissap nutaap illutassaanik sanaartornissamik KAIR-imit suliassinneqarsimavoq. Suliaq tamakkiisumik suliarineqassaaq, sanaartornerlu aallartereerluni.

Suliffeqarfiup angallataa kalittaat Polar Endeavour prammilu assigiinngitsunut attartortinneqarnerusimasoq KJ Greenland naatsorsuutini allappoq. Ukiup naatsorsuusiorfiup 2023-p naalernerani angallatip kalittaatip prammillu ingerlatilernissaanut suliffeqarfik periarfissaqalersimavoq.

Januaari 2024-mi pisineq pivoq, kalittaallu KJ Endeavourimik atserneqarpoq. Angallammik kalittaammik prammimillu piginnittuuneq suliffeqarfiup avannaani pissutsini suliassanik pitsaasumik naammassinninnissamut periarfissaanik suli nukittorsaataassasoq, suliffeqarfik naliliivoq.

Piginneqataasut nutaat marluk

Kinguaariit nikinnerisa kingunerisaanik suliffeqarfiup siunissaa qulakkeerniarlugu, kiisalu ukiuni kingullerni suliat annertusiartupiloornerannik suliffeqarfik nukittorsarniarniarlugu, KJ Greenland marlunnik nutaanik piginneqataasunik aqutsisuutigisunik pissarsivoq.

Taakku tassaapput Mads H. Nørgaard aamma Bjarke F. Cortes. Bjarke F. Cortesip Ilulissani Qaqortumilu mittarfissat nutaat sanaartorneqarnerannut tunngatillugu suliat akisussaaffigai.

KJ Greenlandimi aningaasaqarnermut pisortaq Palle Bendtsen piginneqataallunilu aqutsisoqatigiinnut ilaasortaavoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

sanaartorneq kj greenland a/s kalaallit nunaat inuussutissarsiutit grønland erhverv entreprenør byggebranchen aningaasaqarneq økonomi

ATORFIIT Se alle jobs

Powered by Labrador CMS