Atuarfik
Inussuk Nuup qeqqaniittoq sanaartornermik ingerlatsivimmit Istak-imit
pilersaarutit malillugit kommunimut tunniunneqartussaagaluarpoq,
taamaalilluni 2024-mi aggustimi atualertoqarnissaanut
piareertussaagaluarluni.
-
Atuartut ilinniartitsisullu atuarfimmut nutaamut 1200-nik
atuartuuteqarfiusinnaasumut qaqugu nuussanersut suli nalunarallarpoq.
Atuarfik
Inussuk Nuup qeqqaniittoq sanaartornermik ingerlatsivimmit Istak-imit
pilersaarutit malillugit kommunimut tunniunneqartussaagaluarpoq,
taamaalilluni 2024-mi aggustimi atualertoqarnissaanut
piareertussaagaluarluni.
-
Atuartut ilinniartitsisullu atuarfimmut nutaamut 1200-nik
atuartuuteqarfiusinnaasumut qaqugu nuussanersut suli nalunarallarpoq.
- Qaqugu ammassanersoq suli ullulersinnaanngilarput, Kommuneqarfik
Sermersuumi Sanaartornermut Ingerlatsivimmi pisortaq Søren Pedersen
Sermitsiamut oqarpoq.
Kommunep
sanaartornermut oqartussaasui Søren Pedersenimit
akisussaaffigineqartut suli ikuallattoqartillugu
isumannaallisaanermut periusissiaq nutaaq sanaartortitsisumit
tigusimanngilaat.
Sanaartorneq
600 millionit koruunit sinnerlugit akeqartoq
Istak,
Danmarkimi sanaartornermik suliaqartut annersaannit pigineqartoq,
2020-mi sanaartornermik suliassiissutigineqartumi 615 millionit
koruuninik naleqartumik suliakkerneqarpoq.
Naak
Istak 2021-mi uppernarsaatit tunngaviusut pissutigalugit
sanaartornissamut akuersissummik tunineqaraluartoq, suliniut
unammilligassaqarpoq.
-
Sanaartorneq naammassingajalersoq oqartussaasut inatsisit
naapertorlugit sanaartortoqarsimanersoq misissortussaavaat. Istakip
kommunillu akornanni isumaqatigiinngittoqalerpoq, tassani
uppernarsaatit eqqortuunersut takusinnaanatigit, Søren Pedersen
oqarpoq.
Kommunimut
siunnersorti nutaaq
Kommuneqarfik
Sermersooq ikuallattoqartillugu isumannaallisaanermut nutaamik
siunnersortitaarmat, siunnersuisarfimmit COWI-mit, Istak atuarfimmik
naammassisumik kommunimut tunniussinissamut suli akuerineqanngilaq.
Ikuallattoqarnissaanut
periusissiaq akuerineqarsinnaanngimmat Istak kommunimit atuarfimmik
atulersitsinissamik akuerineqanngilaq. Kommuneqarfik Sermersuumi
Sanaartornermut Oqartussaasut atuarfimmut ikuallattoqarnissaanut
pilersaarutip naammaginartumik sananeqarsimanera pillugu Istak-imit
akuersinissaat piumasaqaataavoq.
“Sanaartornermut
oqartussaasut ikuallattoqarnissaanut isumannaallisaanermik
periusissiamik nutartikkamik suli tigusaqarsimanngillat.”
Kommuneqarfik
Sermersooq Sermitsiamut januaarip 18-ani mailikkut taama allappoq.
Kommunip Istak-illu akornanni ikuallattoqartillugu
isumannaallisaanermut atuarfiullu illoqarfiit pingaarnersaanni
inissisimasup suli atorneqalersimannginneranut tunngatillugu suliami
allagaatit takujumallugit qinnuteqarnera tunngavigalugu taama
akissuteqartoqarluni.
Tamatuma
kingorna pisortaq Søren Pedersen sisamanngornermi januaarip 23-ani
Sermitsiamit oqaloqatigigatsinni Istak-ip ikuallattoqarnissaanut
isumannaallisaanermut periusissiaq nutartigaq kommunip 2024-mi
juullertinnagu tunniuteqqusaa suli tunniunneqarsimanngitsoq
nassuerutigaa.
- Istak-imit
ikuallattoqarnissaanut isumannaallisaanermut periusissiaq qanoq
sivisutigisumik utaqqivisiuk?
-
Siorna aggustip aallartinnerani ikuallattoqartillugu iliuuserisassat
nutarterneqarnissaat pillugu qinnuigineqarput, pisortaq nassuiaavoq.
Sanaartornermut
oqartussaasut, sanaartornermut avatangiisinullu aqutsisoqarfimmit,
Istak oktobarip 28-ani atulernissaanut akuersissummik
tunniussissanatik allaffigaat.
- Atuarfik
sanaartortitsisumit tunniunneqartussaagaluarneranit kommunimiillu
atulersinneqarnissaraluanit maanna ukiup affaa qaangiussimalerpoq,
Istak-illi ikuallattoqarnissaanut isumannaallisaanermut
periusissiamik akuerisinnaasassinnik suli tunniussinngila?
-
Naamik, pimoorulluguli sulissutigaat, Søren Pedersen oqarpoq.
Ikuallattoqarnissaanut
isumannaallisaanermut periusissiami pingaarutillit allaanerusut
Allagaatinik
takunnissinnaanermut allakkiaq naapertorlugu Kommuneqarfik
Sermersuumi sanaartornermut oqartussaasut Istak-ip
ikuallattoqartillugu isumannaallisaanermut periusissiaa
pingaarutilinnik allaanerussuteqarmat akuerineqarsinnaasimanngilaq.
Sermitsiap
allakkanik takunnissinnaanissamik qinnuteqaateqarnermini suut
allaanerunersut kommunimut apeqqutigaa.
Ingerlatsivimmi
pisortaq Lars Borris Pedersen ima akivoq:
-
Sanaartornermut oqartussat Istak suleqatigalugu illu misissornerani
ikuallattoqartillugu atortorissaarutit, soorlu illu 1-imi
silaannarissarfik, sanaartornermut oqartussaasut
akuersissuteqartinnagit allanngortinneqarsimasut paasineqarpoq.
-
Tamanna pissutigalugu sanaartornermullu oqartussaasut tamanna
paasigamikku sanaartornissamut akuersissuteqarnermi
ikuallattoqarnissaanut isumannaallisaanermi periusissiamiit
akuerisaasumit assigiinngitsorpassuit allaanerummata misissuineq
aallartinneqarpoq. Taamaattumik siunnersorti avataaneersoq, COWI,
qinnuigineqarpoq ikuallattoqarnissaanut isumannaallisaanermik
periusissiaq kingulleq tiguneqartoq misissoqqullugu, Sermitsiamut
januaarip 18-ani mailikkut allakkami allassimavoq.
Sermersuup
Sanarfinermut Avatangiisinullu Ingerlatsivimmi pisortaq Søren
Pedersen Sermitsiamit januaarip 23-ani oqaloqatigineqarami Istak-ip
ikuallattoqartillugu isumannaallisaanermut periusissiamik
nutartikkamik tunniussisimanngitsoq uppernarsarpaa. Nutartigaq
kommunip 2024-mi juulli sioqqullugu tunniunneqarnissaa piumasaraa.
-
Oqartussaasut suli arlaannik tigusaqarsimanngillat, suliarli
ingerlavoq, pisortaq oqarpoq.
- Tassa
sanaartugaq suli inatsisinik maleruutiginngilaq?
-
Sanaartortut nassiussaat naapertorlugit ikuallattoqartillugu
isumannaallisaaneq inatsisit malinneraat uppernarsarsinnaanngilarput,
pisortaq Søren Pedersen oqarpoq.
- Suliaq
qanoq ilungersunartigaa?
-
Takussutissat Istak-ip ilisimasaqarfiginnginnerai imaluunniit
sanaartornermik suliaqarnerminni annikitsunik allannguisariaqarnerat
oqaatigisinnaanngilarput.
Sermitsiap
Istak-ip pisortaa Karl Andreassen oqaaseqartinniaraluarpaa,
iluatsinngitsumilli.
