Nuummi atuarfittaap qaqugu
atulernissaa, Kommuneqarfik Sermersuup suli ullulersinnaanngikkallarpaa. Suliarli
taanna kommunip kingullermik nalunaaruteqarneraniit siuariaallappoq,
aaqqiissuteqarnissarlu ungasigunnaarluni.
Kommuneqarfik
Sermersuup Meeqqanut Atuarfeqarnermullu Ingerlatsivia, nunatsinni illoqarfiit
pingaarnersaanni Nuummiittuusoq, atuarfik Inussuk pillugu angajoqqaanut
ilinniartitsisunullu apriilip ulluisa 16-ianni nalunaarummini kingullermi taama
allappoq.
Nuummi atuarfittaap qaqugu
atulernissaa, Kommuneqarfik Sermersuup suli ullulersinnaanngikkallarpaa. Suliarli
taanna kommunip kingullermik nalunaaruteqarneraniit siuariaallappoq,
aaqqiissuteqarnissarlu ungasigunnaarluni.
Kommuneqarfik
Sermersuup Meeqqanut Atuarfeqarnermullu Ingerlatsivia, nunatsinni illoqarfiit
pingaarnersaanni Nuummiittuusoq, atuarfik Inussuk pillugu angajoqqaanut
ilinniartitsisunullu apriilip ulluisa 16-ianni nalunaarummini kingullermi taama
allappoq.
- Atuarfiup
aasaanerani atuanngiffeqareernerup kingorna atualeqqinnermi atulernissaa,
Kommuneqarfik Sermersuup anguniarpaa, siusinnerusinnaappalli ajornanngippallu
siusinnerullaqqunaqaaq, ingerlatsiviup nalunaarutaani allassimavoq.
”Inussummut suli nutsersinnaannginneq atuartunut,
angajoqqaanut sulisunullu suli pakatsisitsillunilu ilungersunartoqartitsisoq
nalunngikkitsik, tamannalu utoqqatsissutigerusukkitsik, inglatsivik
nalunaarummini aamma allappoq imalu nangilluni:
- Tamanna
utoqqatsissutigerusupparput, naammagittartuarassilu aamma qutsavigerusullusi.
Istakip sanaartornermini kinguaattoornini akisunaarujussuarpaa. Tamatumunnga tunngatillugu ullormut akiligassai januaarip naanerani katillugit 23,6 millionit koruuniusut, Sermitsiap naatsorsuinerata takutippaa.
Assi: OSCAR SCOTT CARL
Inussummut suli
nutsersinnaannginneq Danmarkimi suliffeqarfiit sanaartugassiissutinik
suliarinnittartut annerpaanut ilaasup Aarsleffip Islandimi suliffeqarfiutaata
sanaartugassiissutinik suliarinnittartuusup Istakip ikuallattoornermi isumannaallisaaneq
eqqarsaatigalugu sanaartornermi atorneqarsimasut sanaartornissamut
piumasaqaatigineqartunik naapertuisoqarsimaneranik uppernarsaasussaaneranik
pissuteqartoq, Kommuneqarfik Sermersuup Meeqqanut Atuarfeqarnermullu
Ingerlatsivia allappoq.
- Taanna
uppernarsaat akuerineqartinnagu atuarfik atulersinnaanngilaq, meeqqammi
sulisullu pillugit sillimaniarnermut tunngasut piariivissimasussaammata, ingerlatsivik
allappoq.
Ikuallattoornermi
isumannaallisaanermut pilersaarut piareersiigaat Nuummi
atuarfitoqanngortuni marluusuuni, tassa ASK-imi USK-imilu atuartut 1.200-t
tungaannut amerlassuseqarput. Taakkunani atuartut atuarfik Inussuk piareerpat,
tassani atuartunngussapput.
Kommuneqarfik
Sermersooq Istakilu katillugit 615 millionit koruuninik akilinnik atuarfiliornissamik
meeqqeriviliornissamillu 2019-imi atsioqatigiipput.
Istak
sanaartornissamut kommunimit 2021-mi akuerineqarmat, ikuallattoornermi
isumannaallisaanermut pilersaarutaa aamma akuerineqarpoq. Istakilli tamatumunnga
pilersaarutaa kingorna atorunnaarsinneqarpoq, suliffeqarfillu ikuallattoornermi
isumannaallisaanermut pilersaarusiaminik kommunimit nutartereqquneqarluni. Istakip
iluarsartuullugu pilersaarusiaa atuarfimmik tunniussitinnagu atuarfillu atulertinnagu
kommunimit akuerineqaqqaartussaavoq.
Kinguaattoornini
akisunaarujussuaraa Istakip atuarfiliani kommunimut siorna marsip aallaqqaataani
tunniutereersimasussaagaluarpaa.
Istakip Kommuneqarfik
Sermersooq sanatitsisoralugu Nuup qiterpasissuani atuarfittaassarsualiornermini
kinguaattoorujussuarnini akisunaarujussuartussanngorpaa.
Istakip sanaartornermini
kinguaattoornerminut ullormut akiligassai januaarip naanerani katillugit 23,6
millionit koruuniusut, Sermitsiap naatsorsuinerata takutippaa.
Istakip pisortaa Karl
Andreassen suliaq pillugu oqaaseqarusunngilaq.
