Inuussutissarsiortut
pisariaqartitaat qitiutillugit politikkikkut sinaakkutissat
ineriartortinneqarnissaat pingaaruteqarpoq, Sulisitsisut Nuuk
isumaqarpoq. Taakku Kommuneqarfik Sermersuumi kommunalbestyrelsimut
qinigassanngortittut Siumumeersut, Inuit Ataqatigiinneersut aamma
Atassummeersut (Demokraatit Nalerarlu peqataanngillat) soraareernerup
kingorna sisamanut ataatsimiinnissamut qaaqquai, tassanilu
inuussutissarsiornermut politikkimut qineqqusaarutinullu
apeqquteqartoqarsinnaalluni.
Qinigassanngortittut
kommunimi inuussutissarsiornermut siunnersuisoqatigiinni, Nuummi
inuussutissarsiortut akornannit 17-inik ilaasortaqartumi, ukiunilu
marlunni kingullerni ataatsimiissimanngitsumi, qanoq iliorniarnersut
ataatsimiinnermi sammineqarpoq.
Inuussutissarsiortut
pisariaqartitaat qitiutillugit politikkikkut sinaakkutissat
ineriartortinneqarnissaat pingaaruteqarpoq, Sulisitsisut Nuuk
isumaqarpoq. Taakku Kommuneqarfik Sermersuumi kommunalbestyrelsimut
qinigassanngortittut Siumumeersut, Inuit Ataqatigiinneersut aamma
Atassummeersut (Demokraatit Nalerarlu peqataanngillat) soraareernerup
kingorna sisamanut ataatsimiinnissamut qaaqquai, tassanilu
inuussutissarsiornermut politikkimut qineqqusaarutinullu
apeqquteqartoqarsinnaalluni.
Qinigassanngortittut
kommunimi inuussutissarsiornermut siunnersuisoqatigiinni, Nuummi
inuussutissarsiortut akornannit 17-inik ilaasortaqartumi, ukiunilu
marlunni kingullerni ataatsimiissimanngitsumi, qanoq iliorniarnersut
ataatsimiinnermi sammineqarpoq.
- Inuussutissarsiortut politikkerinut attaveqarnissamut periarfissamik amigaateqarput. Inuussutissarsiornermut Siunnersuisooqatigiit aqqutigisaraluarparput - Imaluunnit Inuussutissarsiortut Siunnersuisooqatigiivi atorunnaarpat?
Nuummi Sulisitsisut siulittaasuat Bo Eriksen.
Taamatut
oqallittarfimmik amigaateqarneq pissutigalugu kommunimi politikerit
inuussutissarsiortullu imminnut ungasillisimapput, taamaattumillu
Illoqarfiit Pingaarnersaannut periusissiaq saqqummiunneqaqqammersoq
oqaloqatigiissutiginiarlugu katersuussinnaasimanngillat.
-
Inuussutissarsiornermut siunnersuisooqatigiinni ataatsimoornata
imarisaanullu sunniuteqarsinnaanata apeqqutit ataasiakkaarlugit
apeqqutigineqarput. Kommunip inuussutissarsiornermut pilersaarutaanut
aamma taama pisoqarpoq. Kommunimiippugut inuussutissarsiorneq pillugu
oqallittoqarpiarneq ajortumi, oqaluuserisassanilu pingaarnertut
inissisimanani. Illoqarfiillu pingaarnersaanni inuussutissarsiorneq
nukittorsarlugu naluara sumi oqaluuserissanerlutigu.
Inuussutissarsiornermulli oqalliffik oqallinnissamut
politikkeritsinnullu isummersornissamut tunngavissaalluarpoq,
oqallisigisavullu tunngavigalugit politikerit aalajangiisinnaapput,
Bo Eriksen oqarpoq. Ajornartorsiuterpassuit inuussutissarsiortut
inuussutissarsiornermut siunnersuisooqatigiinni imaluunniit
ataatsimiittarfinni oqaluusererusutaat tikkuarpai.
Ajornartorsiutit
oqaloqatigiissutigerusukkaat
-
Nuummi inuussutissarsiorfiusinnaasut killeqarput,
sanaartorfiusinnaasunik periarfissanik suliaqartoqanngilaq,
sullorsuit pinnagit aqqusinermi qaammaqqutit eqqartorpavut. Tamanna
suliffeqarfiit ingerlanerannut aalakkaanngitsumik kinguneqarpoq,
sulianillu suliarinninnerit sivisuallaartarnerat politikerinut
anngunniartussaavagut. Saaffiginnissaasut, inuussutissarsiortummi
ineriartornermut sunniuteqarusunnerat annertuvoq, pisariaqassappallu
allaat akissarsiaqaratik suliumallutik. Taamaaliornikkut kommunimi
politikerit aalajangiisinnaaniassammata. Suliami tamatumani
ataatsimoorfissarsiorpugut, Bo Eriksen oqarpoq.
Siumut
Nuummiit kommunalbestyrelsimut qinigassanngortittup Jørgen Wæver
Johansenip, Nuummi Inuit Ataqatigiit siulittaasuata Ludvig Larsenip
aamma Atassummiit Nikolaj Rosingip oqallinneranni maanna
mittarfissuaq naammassimmat takornariaqarnerup siuariartornissaanut
iluaqutaasinnaanera ineriartornermullu tapertaasinnaanera
sammineqarpoq. Kommunili nunaminertamik atugassiisoqartanngilaq,
sulianillu suliarinnittarinerit sivisussusaat, ingammik
akunnittarfinnut nutaanut, kigaappallaarpoq.
-
Kommunit ingerlatsiviini ammasuunissaq assigiinnillu periuseqarnissaq
ujartorparput. Malittarisassat periutsittullu allanngorartuartut
takukkajuppagut. Aamma ingerlatsiviit pitsaanerusumik ingerlanissamut
alloriarnissamut periarfissaqarpianngillat. Periutsit suut
pitsanngorsarneqassanersut inuussutissarsiortut
oqaloqatigiissutiginissaannut qaaqquneqassasut kissaatigaarput,
taamaasiornikkut inuussutissarsiortut pisariaqartitaat
matussuserneqarsinnaaniassammata. Suliaq tamanna ingerlatsiviit
inuussutissarsiortullu akornanni isumasioqatigiinnikkut
ingerlanneqartariaqarpoq. Suliniut iluatsissappat politikkikkut
tapersersorneqartariaqarpoq, Bo Eriksen oqarpoq.
Perorsaasunik
amigaateqarneq
Paaqqinnittarfinni
perorsaasunik amigaateqarneq qanoq aaqqinneqarsinnaanersoq
inuussutissarsiortut aamma ujartorpaat, amigaateqarnermi sulisunut
sunniuteqartarmat.
-
Sulisussanik amerlasuunik peqarnissaq kissaatigaarput,
paasisariaqarparpullu suliffeqarfiit tamarmik imminnut
ataqatigiinnerat. Suliffeqarfiit ilaat eqqugaappat allat aamma
eqqugaasarput. Tamatuma saniatigut nunanit allanit sulisussanik
tikisitsinissaq sammineqartariaqarpoq. Assersuutigalugu Sermersuumi
perorsaasut 120-t amigaatigineqarput. Sisimiuni
suliniutigineqarsimasoq meeqqerivinni sulisussanik avataaneersunik
tikisitsisarneq soqutiginarpoq – aaqqiissut pissanganartoq
malinnissaanullu naleqquttoq, Bo Eriksen oqarpoq.
