Ujammiugaq
Engell , Nuummi Katersugaasivik Nuutoqqap pisortartaava, katersugaasiviup
pisortaatut siullermeerluni ullormi Erfalasulerfimmi – aamma pisortatigoortumik
aaqqissuussinermi – katersugaasiviup pisortaatut siullermeerluni tikilluaqqusivoq.
-
Oqaluttuarisaanerup ingerlanerani Nunarput – ajunngitsutigut ajortutigullu –
nunarsuarmiut avataaniitinneqartarsimavoq. Taamaakkunnaareerpugut. Nunarsuarmi
politikikkut allanngornerit, Issittumi isumannaallisaanikkut soqutigisat
nunarsuarmilu inuiaqatigiit ataqatigiinnerulernerisa kingunerinik pisorpassuit qeqqaniippugut.
Tamannalu eqqumiippoq. Taamaattumillu iliuuseqartuarnissarput aatsaat taama
pingaaruteqartigaaq.
Ujammiugaq
Engell , Nuummi Katersugaasivik Nuutoqqap pisortartaava, katersugaasiviup
pisortaatut siullermeerluni ullormi Erfalasulerfimmi – aamma pisortatigoortumik
aaqqissuussinermi – katersugaasiviup pisortaatut siullermeerluni tikilluaqqusivoq.
-
Oqaluttuarisaanerup ingerlanerani Nunarput – ajunngitsutigut ajortutigullu –
nunarsuarmiut avataaniitinneqartarsimavoq. Taamaakkunnaareerpugut. Nunarsuarmi
politikikkut allanngornerit, Issittumi isumannaallisaanikkut soqutigisat
nunarsuarmilu inuiaqatigiit ataqatigiinnerulernerisa kingunerinik pisorpassuit qeqqaniippugut.
Tamannalu eqqumiippoq. Taamaattumillu iliuuseqartuarnissarput aatsaat taama
pingaaruteqartigaaq.
Naalagaaffimmi sakkutuuernerit
nersorniarneqarneri
ullormi erfalasulerfimmi
ukiut tamaasa pisarput.
Kommunini amerlanerni
assigiinngitsutigut ukioq manna
malunnartitsisoqarpoq.
Assi: Oscar Scott Carl
Sapiissuseqarnissaq,
eqqarsarluarnissaq, iliuuseqarnissaq eqqarsaatiginneqqissaarnissarlu
pisariaqarput, Ujammiugaq Engell tikilluaqqusilluni oqalugiarnermini ilaatigut taama
oqarpoq, tamatumalu kingorna aaqqissuisunut, Kommuneqarfik Sermersuumeersunut,
borgmesterip tullianit siullermit Poul Petersenimit peqataatitaqartunut
mikrofoni tunniullugu.
- Ilissinnit
namminermit anginerusumut ikiuunniarlusi aalajangersimavusi, tulluusimaarlusi sakkutuut atisaannik
uniformeqarpusi, naalagaaffeqatigiinnullu ataqqinnittumik, sapiillusi
suliamullu pikkorillusi sinniisuulluarsimallusi. Suleqataanissigut nunarsuarmi sumiiffiit
unammillernarnerpaat ilaanni eqqissinermik, patajaassusermik neriuutissamillu
pilersitseqataasimavusi, sulilu taamaaliortuarlusi.
Tamatuma
kingorna sakkutuut naalagaasa ilaat generalmajor Søren Andersen oqalugiarpoq:
- Ullormi
taamaattumi katersuukkaangatta nalliuttorsiortarpugut, aammali eqqaaniaasarluta.
Sakkutuut uniformiannik atuisimanersi tulluusimaarutigisarparput, aammali
angerlamut uteqqinngitsoortut eqqaaniartarpavut, aamma ilasi timimikkut tarnimikkullu
ikilerneqarsimasutut inuusut takusarpavut.
Inunnguaq Petrussen ukioq manna aaqqissuussinermi oqalugiartunut akunnermiliulluni marloriarluni
erinarsorpoq.
Foto: Oscar Scott Carl
Oqalugiartut
arlaliupput, ilaatigut sakkutuujusimasut peqatigiiffiannit aamma
sakkutuujusimasut Kalaallit Nunaannittut suliniaqatigiiffianneersoq oberst Kim
Simonsen ukioq manna nuna tamakkerlugu angalasimanertik pillugu oqalugiarpoq.
Naggataatigut
illersornissamut ministerip Troels Lund Poulsenip oqalugiaataa skærm-imi
angisuumi takutinneqarpoq, tamatumalu kingorna tamanut ammasumik kaffillertoqarluni.
