”Ullut
taarsiorfiusut neriuutissaqarfiujuaannarput. Ukiuni kingullerni
qaninnerulersimanerput nuannaarutigaara. Danmarkimi. Europami
minnerunngitsumillu naalagaaffeqatigiinnitsinni.”
Danmarkip
ministeriunera Folketingimi marlunngornermi apeqqarissaarneqarnermini taama
aallarniissuteqarpoq. Naalagaaffeqatigiinnerup soorlu attaveqaasersuutinut
pingaarutilinnut aningaasaliinernullu tunngasuni suliniuteqaqatigiinnerunikkut
nukittunerulernissaa neriuutigigini, Folketingimi ilaasortat nunatsinneersut
marluk, tassa Aki-Matilda Høegh-Damip (N) Aaja Chemnitzillu (IA) apeqquteqareerneranni
aamma oqaatigaa.
”Ullut
taarsiorfiusut neriuutissaqarfiujuaannarput. Ukiuni kingullerni
qaninnerulersimanerput nuannaarutigaara. Danmarkimi. Europami
minnerunngitsumillu naalagaaffeqatigiinnitsinni.”
Danmarkip
ministeriunera Folketingimi marlunngornermi apeqqarissaarneqarnermini taama
aallarniissuteqarpoq. Naalagaaffeqatigiinnerup soorlu attaveqaasersuutinut
pingaarutilinnut aningaasaliinernullu tunngasuni suliniuteqaqatigiinnerunikkut
nukittunerulernissaa neriuutigigini, Folketingimi ilaasortat nunatsinneersut
marluk, tassa Aki-Matilda Høegh-Damip (N) Aaja Chemnitzillu (IA) apeqquteqareerneranni
aamma oqaatigaa.
– Pingaarutilinnik attaveqaasersuuteqarnerunissaa pisariaqartoq,
attaveqaasersuutinulli pingaarutilinnut aamma tunngasuni
suleqatigiinnerunissamut periarfissaqaaluttoq arajutsisimanngilluinnarpara. Tamanna
inuussutissarsiornermi ineriartortitsinissamut takornarialerinermullu
pingaaruteqarluinnarpoq, Kalaallit Nunaatalumi aningaasarsiorneranut tunngavissiilluinnassalluni,
ministeriuneq aamma oqarpoq, Danmarkilu Kalaallit Nunaata tamtumunnga
aningaasaleerusuttussarsiornerani tapersiisinnaassasorigini ilanngullugu
oqaatigalug.
- Kalaallit Nunaata aningaasarsiornerata nukittorsarnissaa pingaartuuvoq, ministeriuneq Mette Frederiksen apeqqarissaarneqarami Folketingimi ilaasortamut Naleqqameersumut Aki-Matilda Høegh-Damimut oqarpoq. Danmarkip Inuussutissalerinermut Aqutsisoqarfiata Nuummi allaffeqalerneranut suleqatigiinneq naalagaaffeqatigiit Kalaallit Nunaata pisariaqartitaanut tunngasuni suleqatigiilluarneruleriartornerannut assersuutissaqqittutut ministeriunerup aamma taavaa.
Assi: Trine Juncher Jørgensen
Periarfissiisoq Kalaallit Nunaannut aningaasaliinerunissaq tamatumanilu inuussutissarsiornermi
ineriartortitsinerunissaq pisariaqartoq danskit naalakkersuisuisa kalaallillu
naalakkersuisuisa isumaqatigiissutigilluinnaraat, Mette Frederiksenip oqaatigaa.
Ministeriunerup apeqqarissaarneqarnermini taama akissuteqarnera
isumallualersitsisoq, Aaja Chemnitzip oqaatigaa. Kalaallit Nunaatalu Danmark
suleqatigalugu sunik suliniuteqalernissamik erseqqissaanissi maanna
suliassarileraa, taanna aamma isumaqarpoq.
– Internettimut attaveeruteqaratarnissarput ingalassimaniarlugu immap
naqqatigut nutaamik kabelililiisitsiniarsinnaavugut. Immap naqqatigut
kabeliliineq 3 milliardit koruunit missaannik akeqartarpoq. Kangerlussuup
Sisimiullu akornanni aamma aqqusinniortitsiniarsinnaavugut, tamannalu 1
milliardit koruunit missaannik akeqassagunarpoq. Imaluunniit Kangerlussuaq
mittarfissuarmut, aqqusinernut umiarsualivimmullu atassuserlugu
illersornissamut qitiusoqarfipajaanngortinniarsinnaavarput, Aaja Chemnitz
oqarpoq. Taassuma naalakkersuisut siulittaasuat Jens-Frederik Nielsen,
aningaasaqarnermut akileraartarnermullu naalakkersuisoq Múte B. Egede aamma
ineqarnermut, attaveqaasersuutinut isorliunerusunullu naalakkersuisoq Aqqaluaq
B. Egede Danmarkip aningaasaliilersaarneranut tunngatillugu kissaatit pillugit
piffissami aggersumi ataatsimeeqatigisartussaavai.
– Tamanna suliniutigilerusutanik piviusunngortitsinissamut
periarfissiinerusoq isumaqarpunga, taamaammat sunik suliniuteqalernissamik
erseqqissaasiornissaq allaffitsinni tamaviaarutigileruttorparput. Nunatta
tamatumani nassuitsumik erseqqissaasiornissaa pisariaqarluinnartoq
isumaqarpunga, Aaja Chemnitz oqarpoq.
