ILINNIARNEQ
Atuartut nunani allaniittut
Atuartut nunami allamiinnertik atuarnikkut inooqataanermikkullu iluaqutigilluartarpaat. EU-p suliniutaa Erasmus+ angalanernik taamaattunik tapersersuisarpoq. 2022-miilli atuaqatigiit Nunatsinneersut qulit nunani allani atuarfinnut atassuteqarfigisaminnut tikeraarsimapput. Ukioq manna aamma taama amerlatigisut tikeraarnissaat naatsorsuutigineqarpoq.
Ukiumi atuarfiusumi 2023/24-mi atuaqatigiit qulit nunanut allanut angalasimapput. Taama amerlatigisut ukiumi atuarfiusumi 2024/25-mi angalanissaat pilersaarutaavoq.
Assi: ProGreenland
Ukiut
ingerlaneranni suliniutit amerliartuinnartut, suliniut Erasmus+ aqqutigalugu
EU-mit tapiiffigineqartarput, tamatumani tapersersorneqarlutik nunat tamalaat
atassuteqaqatigiinnissaat aamma nunat assigiinngitsut akornanni
suleqatigiinnissaq.
Ilinniartitaanermut
Naalakkersuisoqarfik, Nuummi nunat tamalaat akornanni suliniutinut
allaffeqarfik ProGreenland suleqatigalugu, EU-p ilinniartitaanermut
suliniutaani Erasmus+-imi periarfissat pillugit kommuninut paasissutissiinermik
siunnersuinermillu suliaqartarsimavoq.
Suleqatigiinnissamik isumaqatigiissut
ERASMUS+ 2021-27
EU-p
aningaasanut missingersuutaani 26,2 milliardit eurot missaanniittut atorlugit
nunat tamalaat akornanni angalanernut nunallu assigiinngitsut akornanni
suleqatigiinnermut suliniutinut Europamiut 10 millionit missaanniittut
aningaasaliiffigineqartarput, siunertaralugu Europami
peqataatitsinerulernissaq, digitalinngorsaanissaq mingutsitsinnginnerunissarlu.
Erasmus+-imi kalaallit atuarfii ilinniarfiilu Danmarkimi sullissisut
aqqutigalugit qinnuteqarsinnaapput.
Kommuneqarfik
Sermersuumi ProGreenlandimik suleqateqarneq annertusillugu kommunip EU-mut suliniutaanik
allaffissornikkut suliaqarnermik aamma isumaginnittoqalissaaq.
Tamanna
2022-mi kinguneqarpoq kommunip Erasmus+-imut periusissiaq tunngavigalugu
aaqqissuussinermut akuerineqarneranik, tamatumalu kinguneranik kommunip
2027-mi, aaqqissuussinerup naanissaata tungaanut kommunimi atuarfiit aaqqissuussinermut peqataanissaannut ukiumut
aningaasanik qulakkeerinnittoqartarnissaa qulakkeerneqarluni.
Nunanut allanut angalanissat qulit
pilersaarutigineqartut
Atuarfiit
EU-mi atuarfinnik suleqateqarnerminni sammisat marluk
suleqatigiissutigisarpaat: „Ilinniartitsinermi IT“ aamma „Timimik atuineq“.
Aaqqissuussinerit pingaarnersaattut EU-mi nunani assigiinngitsuni atuarfiit
suleqatigineqartut tikeraarneqartarput, tamakkunanilu suliniutit
suleqatigiissutigineqartarlutik.
Ukiumi
atuarfiusumi 2023/24-mi aaqqissuussinerit qulit naammassineqarput, ukiumilu
atuarfiusumi 2024/25-mi aaqqissuussinerit taama amerlatigisut
naammassineqarnissaat pilersaarutaalluni. Atuaqatigiit qulit taamaalillutik
nunani allani atuarfinnut attaveqarfigisaminnut tikeraarsinnaassapput.
Ukiut ingerlaneranni Nunatsinni atuarfiit nunani ukunani atuarfinnut suleqatigisaminnut tikeraarsimapput; Sverige, Tyskland, Luxembourg, Frankrig, Slovenia, Tyrkia, Tuluit Nunaat, Italia, Spania, Portugal uanilu Grækenland
Assi: ProGreenland
250.000-300.000-t tapiissutigineqarsimasut
Ukiut
ingerlaneranni Nunatsinni atuarfiit nunani ukunani atuarfinnut
suleqatigisaminnut tikeraarsimapput; Sverige, Tyskland, Luxembourg, Frankrig,
Slovenia, Grækenland, Tyrkia, Tuluit Nunaat, Italia, Spania aamma Portugal. Tapiissutigineqartartut amerlassusaannut apeqqutaasarluni atuartut
ilinniartitsisullu peqataasut qassiunerat, ullut sammisassanut atorneqartussat
qassiunerat nunalu tikeraarneqartussaq sorliunersoq, nalinginnaasumilli
atuaqatigiit klassit suliniummut ataatsimut 250.000 – 300.000 koruuninik
tapiiffigineqartarput. Tapiissutit pisariaqartinneqartarput, tamatumunnga
patsisaalluni Nunatsinnit nunanut allanut angalanernut aningaasartuutit
qaffasissorujussuunerat.
Atuartut
misigisaat
Atuarfik
Hans Lyngemi atuartut nunami allami Erasmus+ aqqutigalugu angalareeramik
angalanerminnit nalunaarusiaminni ima allapput:
“Paasisassarsiorluta
angalanitsinni immitsinnut ilisarisimanerulerpugut. Pinngortitaq allaanerusoq,
Nunatsinnit allaanerulluinnartoq misigivarput, tamannalu soqutiginarluni.
Misigisaq nuanneqaaq,” Najaja 10.b-mi atuartoq allappoq.
“Kulturimik
allamik ilinniarneq nuannerlunilu soqutiginarpoq, aamma nunarsuaq tamakkerlugu
attaveqarfissanik nutaanik ikinngutitaartorfiuvoq inuuneq tamaat
ikinngutigineqarsinnaasunik,” Lucas 10. b-meersoq allappoq.
Ilinniartitaanermut Naalakkersuisoqarfik, Nuummi nunat tamalaat akornanni suliniutinut allaffeqarfik ProGreenland suleqatigalugu, EU-p ilinniartitaanermut suliniutaani Erasmus+-imi periarfissat pillugit kommuninut paasissutissiinermik siunnersuinermillu suliaqartarsimavoq.
Assi: ProGreenland
”Paasisassarsiorluni
angalaneq nuannerluinnarpoq. Soorlu ilaatigut hesterneq ilinniarparput aamma
koorpunik filmiliat qangaanerusoq sumi filmiliarineqartarsimanersut takuavut”,
Noah 10.c-meersoq allappoq. Tino 10.c-meersoq allappoq, ”paasisassarsiorluta angalanitta
kinguneranik atuaqatigiittut attaveqaqatigiinnerulerpugut. Erasmusimut
qujanarujussuaq.”.
”Erasmusimi
paasisassarsiorluta angalanitsinni nuannerluinnartunik misigisaqarpugut. Tuluit
oqaasiinik ilikkagaqarneruvugut aamma Spaniamiusut immannguaq. Tamatumalu
peqatigisaanik nunanit allaneersunik nutaanik ikinngutitaartorluta. Spaniami
atuarfiit qanoq innersut takuavut. Paasisatta ilagaat Nunatsinni atuarfipput
Spaniami atuarfinnit amerlanernit kusanarnerusoq :), Pil 10.c-meersoq
allappoq. Atuartut ilikkagassatigut inooqataanerminnilu pisuunnguallattartut
Ilinniartitsisunut
atuartunik nunanut allanut angalaqateqarneq aamma misigisaavoq nuannersoq.
Assersuutigalugu Kenneth Stoklund, Atuarfik Hans Lyngemi ilinniartitsisoq, ima
allappoq.
„Erasmus-imi
paasisassarsiorluta angalasarnitta kinguneranik atuartut atuarnerminnut
inuttullu pisuunnguallatsinneqartarput. Soorluttaaq atuartuutitta inuttut
kinaassusiannut ineriartortitseqataasartoq. Nalinginnaasumik
nuannaarnerulerput, ammanerulerlutik saaffigiuminarnerulerlutillu, imminnullu
tatiginerulerlutik. Tamakku tamaasa eqqarsaatigalugit Erasmusimi
aaqqissuussinernut
