Inissiat inoqanngitsut allaaserineqareersullu pilersaarusiortoqarnissaa piumasarineqartoq
Kommunalbestyrelsimi ilaasortap Aqqa Samuelsenip (S) Aasianni inissiat nutaat 40-t inoqanngitsut iliuuseqarfigineqarnissaat ujartorpaa.
Aasianni inissiat nutaarluinnaat 40-t inoqanngillat. Attartornermut akigitinneqartussaq aalajangerneqanngippat isertertoqarsinnaanngilaq.
Assi: Inissialiortut, Kommune Qeqertalik Namminersorlutillu Oqartussat
Aasianni inissiat nutaarluinnaat 40-t inoqanngillat, tamannalu kommunalbestyrelsimi ilaasortap Aqqa Samuelsenip (S) akuersaarneqarsinnaannginnerarpaa:
- Innuttaasut inissarsiorlutik pisariaqartitsinerisa nalaani, Aasianni kommunip inissiaatai nutaat 40-t inoqanngitsutut inissisimanerat akuersaarneqarsinnaanngilaq, politikeri nalunaarummi allappoq.
"Attartornermut qaammammut akiliutigineqartartussaq suli misissuiffigineqarlunilu nalilersuiffigineqarnera" Kommune Qeqertalimmiit tallimanngormat nalunaarutigineqareersorlu taama qisuariarpoq.
Borgmesteriusimasup Ane Hansenip (IA) inissianut nutaanut attartornermut akiliutissatut naatsorsuutigineqartut nalunaarutigereernikuummagut Aqqa Samuelsenip akuerineqarsinnaanngitsutut oqaatigaa:
- Kommunip suli inissianut akiliutissanik aalajangersimasunik aalajangiisinnaasimannginnera ajuusaarnarpoq – pingaartumik takuneqarsinnaammat 1. august 2024 kommunip nammineq allakkatigut akissuteqarnerani inissiamut akiliutissaq agguaqatigiissillugu 1.250 kr. m²-imut missaaniittussatut naatsorsuutigineqartoq, Aqqa Samuelsen allappoq.
Kommune Namminersorlutik Oqartussat suleqatigalugit inissianik sanaartortitsisuuvoq. Namminersorlutik Oqartussat 20-t inissiaatigaat, taakkulu tamarmik attartorneqartut Namminersorlutik Oqartussat Sermitsiamut tallimanngormat ilisimatitsissutigaa.
Kommune Qeqertalik inissiat marluk 40-nik initallit sanaartornikuuaaat.
Aqqa Samuelsen Aasianni inissaaleqisoqartoq allappoq, taamaattumillu borgmesteri aammalu aningaasaqarnermut pisortaagallartoq akisussaaffimmik tigusillutik qaqugu kommunip inissiaatai innuttaasunut iserterfigineqarsinnaalissanersut piffissaliussaq ersarissumik saqqummiunneqassasoq, kommunalbestyrelsimi Siumut gruppianiit piumasarineqarpoq.
- Kommunip akisussaaffini naammassisariaqarpaa – innuttaasullu utaqqiinnarunnaarlutik inissianut isertersinnaalertariaqarput, Aqqa Samuelsen allappoq.
