Qimussertartut peqatigiiffiat aningaasatigut tapiiffigineqartoq

Tunumi qimussimik sukkaniunnissamik aaqqissuussaq piviusunngortinniarlugu Tasiilami qimussertartut peqatigiiffiat 50.000 koruuninik tapiiffigineqarpoq.

Arkivfoto: Jesper Hansen

Jørgen Schultz-Nielsen Jørgen Schultz-Nielsen Journalist

Saqqummersinneqarpoq 2. martsi 2025 - 08:14

Annonse

Qamutseq 91 Kalaallit Nunaanni Qimussertartut Kattuffiata (KNQK) ataanittoq 50.000 koruuninik tapiiffigineqarnissamik qinnuteqartuuvoq. Peqatigiiffiup tapiiffigineqarnissaa Kommuneqarfik Sermersuumi aningaasaqarnermut ataatsimiititaliap kingullermik februaarip 19-iani ataatsimiinnerani aalajangiunneqarpoq.

Qimmit Sermiligaamit aamma Kulusummit assartornerinut aamma qimmit nerisassaannut pisiniarnissamut aningaasat atorneqassapput.

Kangiata Qimussersua ukiunut siuliinut sanilliullugu ukiormanna peqataaniarlutik nalunaartut amerlanerupput.

Aningaasaqarnermut ataatsimiititaliap ataatsimiinnerani imaqarniliami allassimavoq aaqqissuussaq naammassineqareerpat naatsorsuutit nassiunneqassasut, aamma Kulturimut Susassaqartitsinermullu Immikkoortoqarfik Kangia siunissami peqatigiiffinnik qimussimik sukkaniunnermik aaqqissuussisarnerni ikiuuttassaaq.