Sermersooq angerlarsimaffiup avataanut inissiinermi suliami isornartorsiorneqarpoq
Meeqqanik angerlarsimaffiup avataanut inissiinermut angerlartitseqqinnermullu tunngatillugu Kommuneqarfik Sermersooq kukkusumik iliuuseqarsimammat Ombudsmandip sakkortuumik isornartorsiorpaa. Ataataasup meeqqami marluk angerlartinnissaanik qinnuteqaatini kommunimit piffissaq eqqorlugu akineqarsimanngimmat Ombudsmandimut naammagittaalliorpoq.
Kommuneqarfik Sermersooq
Assi: Leiff Josefsen
Meeqqat marluk 2022-mi decembarimi angerlarsimaffiup avataanut inissinneqarput, juullilli nalaani angajoqqaaminniipput.
2022-mili juullikkunni meeqqat ataataminniiginnarput, tassa ataataminni najugaqalerput naak pisortatigoortumik angerlarsimaffiup avataanut inissinneqarnikuugaluarlutik.
Ataataasup meeqqat angerlarsimaffiup avataanut inissinneqaqqinnissai kissaatiginngilaa, taamaattumillu februaarimi 2023-mi meeqqat angerlartinneqarnissaat kommunimut qinnutigalugu. Ukioq ataaseq sinnerlugu aatsaat qaangiummat kommuni maajimi 2024-mi angerlartinneqarnissaat pillugu inaarutaasumik aalajangiivoq. Meeqqat piffissami tamatumani ataataminni najugaqarput naak angerlartinneqarnissaat pillugu pisortatigoortumik aalajangiisoqarsimanngikkaluartoq.
Meeqqat angerlarsimaffiup avataanut inissinneqarnissaat pillugu nammineq aalajangiinini naammassisimanngimmagu ombudsmandip kommuni isornartorsiorpaa.
Kommunip meeqqap angerlarsimaffimmut inissinneqarnerata piviusunngortinneqarnissaa isumagisimasussaagaluarpaa:
Akuerineqarsinnaanngitsoq
- Ombudsmandi oqaaseqaammi inerniliissuteqarpoq akuerineqarsinnaanngitsoq inissiineq pillugu kommunip aalajanginera atuutsinneqanngimmat, kiisalu meeqqat angerlartinneqarnerat sioqqullugu kommunimit aalajangiisoqaqqaarsimannginnera. Ukioq ataaseq qaangiutereersoq aatsaat meeqqat angerlartinneqarnissaat pillugu kommunip aalajangiinera akuerineqarsinnaanngilaq. Tassunga atatillugu meeqqat angerlartinneqarnissaat pillugu ukioq ataaseq qaangiutereersoq aatsaat kommunip aalajangiinera akuerineqarsinnaanngitsutut isigaara, Ombudsmandi suliaq pillugu allappoq.
Kommunip meeqqat angerlartinneqarnissaannik aalajangiinnginnermini meeqqat ataasiakkaarlugit nalilersuiffigisimassagaluarai Ombudsmandi isumaqarpoq. Meeqqat ataatsimut isigalugit pinnagit, kommunip meeqqat ataasiakkaarlugit qanoq pitsaanerpaamik pieneqarsinnaanersut misissorsimasussaagaluarpaa nalilersuiffigalugulu.
Meeqqat immikkut imaluunniit meeqqat sinniisaasa naammagittaalliuuteqarsinnaanerat iluamik ilitsersuutigineqarsimanngimmat Ombudsmandip aamma isornartorsiorpaa. Taamatut siunnersuisoqarsimasuuppat suliami inerniliussap naammagittaalliuutigineqarsinnaanera pisariaqartikkaani periarfissaassagaluarmat.
Suliami annertuumik kukkussuteqartoqarsimanera sumiginnaanerlu pissutigalugit Ombudsmandip Inatsisartut Inatsisinut Ataatsimiititaliaa Kommuneqarfik Sermersuumilu kommunalbestyrelsi ilisimatippai.
