Pele Broberg unammillerteqarani Naleqqami siulittaasutut ingerlaqqippoq

Partiiip ileqquusumik ataatsimeersuarnerani peqataasut 50-it sinneqarput. Tassani partiip siunissaa, sumiiffinni unammilligassat, politikikkullu anguniakkat qanoq timitalerneqarnissaat ilaatigut oqallisigineqarput.

Pele Brobergip siulittaasutut sooq ingerlaqqinnissaanut peqataasut kaammattuillutik tunngavilersuinerat inuttaata tusarnaarpaa.

Assi: Ane-Marie Petersen

Sort-hvidt portræt af en kvinde med mørkt hår iført en mørk bluse foran en lys baggrund.

Ane-Marie Petersen Ane-Marie Petersen Tusagassiortoq

Saqqummersinneqarpoq 25. Oktobari 2026 - 17:24

Ussassaarut

Ataatsimeersuarnermi peqataasut allattorsimaffianni 50-it sinnillit nalunaarsorneqaqqapput, taakkulu ilaat siulersuisuunerni ilaasortanngortussanik aamma toqqaasussaassallutik. Siulersuisuunerni ilaasortat peqataasut saniatigut partiip sumiiffinni assigiinngitsuni immikkoortortaqarfiineersut, kommunalbestyrelsimi ilaasortat, nunaqarfinni aqutsisuneersut partiillu inuusuttaaneersut peqataapput.

Ataatsimeersuarnerup "Oqaatsiniit iliuutsinut" qulequtaraa, Nalerarlu qinersinerni kingullerni siuariaateqareersorlu ileqquusumik ataatsimeersuarneq pivoq. Inatsisartunut 2025-mi qinersinermi partii arfineq-pingasunik ilaasortaatitaqalerpoq, taamaasillunilu Inatsisartuni illuatungiliuttutut annerpaanngorluni. Naleraq Folketingimut 2026-mi marsimi qinersinermi nammineerluni sassartitaminik aatsaat ilaasortaqalerpoq, tassani Qarsoq Høegh-Dam qinigaalluni.

Pele Brobergip 2022-mi immikkut ittumik ataatsimeersuarnermi partiimik pilersitsisoq Hans Enoksen siulittaasutut taarserpaa. 2023-mi ileqquusumik ataatsimeersuarnermi qinigaaqqippoq.

Tamakkiisumik taperserneqartoq

Partiimi siulittaasumi qinersinissaq pisussanngormat Jens Napãtuup Pele Broberg innersuullugu siulittaasutut inuttullu piginnaasai taakkartorpai.

- Immikkoortitsisuunngilaq, ileqqorissaartuuvoq, sakkutuulersornermut akerliuvoq taamaakkaluartoq qarasaasiatigut pinnguaatit atorlugit sorsunneq nukissaminik aallerfigisarpaa. Spillereersimatilluni qarasaa nukissaqaqqilersimalluni uteqqittarpoq. , Jens NapãtôK’ oqarpoq.

Ussassaarut

Siulittaasunngortussamik innersuussinermi Qasigiannguani pissutsit aamma eqqaaneqarput. Jens Vetterlainip tapiissuteqartoqartaranilu peqqinnissaqarfimmi unammilligassaqarnera tikkuarpaa.

– Qasigiarmiuuvunga. Naalakkersuinikkut, tapiiffigineqartarnikkut peqqinnissaqarfitsigullu puigugaaqqavugut. Kommunip kisimiilluni kivissinnaanngisaanik. Taamaattumik nukitit uagutsinnut atorniarigit, sulilluarnissannik kissaappatsigit. Parteerujussuanngornerput nuannaarivara, oqarpoq.

AAMMA ATUARUK

Naleraq oqaluttuarisaanermi tunuliaqutserluarneqareerluni katersuutissaaq: Broberg qinigassanngorteqqippoq

”Pakatsisinnaavianngilassi”

Pele Broberg qinersisoqareermat qujassuteqarpoq. Kalaallit Nunaanni allanngueqataarusulluni politikikkut suliaqalissalluni aalajangernikuunini eqqaavaa.

– Suminngaanneerfissinni atukkasi oqaluttuaraasi, tusaavakka. Naleqqami pissaaneqarniunneq iliuuserinagu ataatsimoorfeqarneq ilisarnaatigaarput. Paatsooqatigiinnerit arlaqartut aqqusaassavagut qaangissavagullu.

Partiimi akerleriittoqartarumaarlunilu paatsooqatigiittoqartumaarnera eqqaavaa, taamaattorli ataatsimoorluni qaangerneqartarumaarnera naqissuserlugu.

Naleraq tunuliaqutaralugu 2018-imi sassarniarluni aalajangerami partiimik aallartitsisoq Hans Enoksen tatigisimallugu kingumut eqqaavaa.

– Tatigisaqarlunga politikimut pulanikuuvunga. Tatigineqarnera tusarlugu killitsippunga. Qujanarujussuaq qinerassinga. Pakatsisinnaavianngilassi, Pele Broberg oqarpoq.

Taamaalilluni Naleqqami siulittaasutut ingerlaqqippoq, partii qinersinerni kingullerni aatsaat taama angusarissaartigisoq, aamma qineqqusaartut tapersersuinerat polikikkut timitalerniartussanngorlugu sulisussanngorluni.