Borgmesterinngortoq: Simigaq Heilmann isumaqatigiissuteqarpoq

Demokraatit, Naleraq aamma IA isumaqatigiissuteqarmata Simigaq Heilmann ilimagineqartutut Kommune Qeqertalimmi borgmesterinngorpoq.

Simigaq Heilmann 204-nik qinerneqarluni kommunimi politikerini nuannarineqarnerpaavoq.

Assi: Nammineq pigisaq

Morten Okkels Morten Okkels Tusagassiortoq

Saqqummersinneqarpoq 19. Apriili 2025 - 15:49

Simigaq Heilmannip (D) ilimagineqartutut Naleraq aamma IA isumaqatigiissuteqarfigigamigit Kommune Qeqertalimmi borgmesterinngornissamut piareesarsinnaanngorpoq. Tamanna nammineq Sermitsiamut uppernarsarpaa.

Taamaalilluni Siumut borgmesterissatut marlunnik qinigassanngortitsisimagaluartoq Demokraatit suleqatissarsinermikkut amerlanerussuteqarluartut borgmesteritut atorfinitsitsisussanngormata isumaqatiginninniarneq sivisooq naammassivoq.

AAMMA ATUARUK

Naleraq Kommune Qeqertalikimi suleqatigiinnermit anivoq

Simigaq Heilmann aamma Inatsisartunut qinigaavoq. Siornatigulli Sermitsiamut oqaatigeriikkamisut borgmesteriuniarluni nuna tamakkerlugu politikkilerinermiit tunuassaaq.

Ussassaarut

Jens Vetterlain Naleqqameersoq borgmesterip tullinngortussanngorpoq