Ukiut
marluk matuma siorna nalunaaquttap ingerlaaqatigiiffiinut UTC-2-mut
nuukkatta Danmarkip Europallu Kitaata nalunaaqutaannut akunnernik
pingasuinnarnik nikingalerpugut. Silaannakkut angallannermi
iluaqutaangaatsiarnissaa tunngavilersuutigineqartunut ilaavoq.
Taamaattoqarsimasorlu
Air Greenlandip pisortaanera Jacob Nitter Sørensen oqarpoq.
Taamaattumik Inatsisartuni partiit arlaqartut siunnersuutaattut
nalunaaquttap ingerlatseqatigiiffiinik utertitsisoqaqqissappat
suliffeqarfimmi Namminersorlutik Oqartussanit pigineqartumi
uggorineqassaqaaq.
NUNATSINNI NALUNAAQUTTAP INGERLAAQATIGIIFFII
Kalaallit Nunaanni nalunaaquttap ingerlaaqatigiiffii assigiinngitsut pingasuupput.
Nunap annersaani UTC-2-uvoq.
Pituffimmi sakkutooqarfik Amerikap kangiata nalunaaqutaa malillugu UTC -4-miippoq.
Tunumi Nationalparkimi silasiorfik Danmarkshavn UTC +0-miippoq.
Kitaani Tunumilu nalunaaquttap ingerlaaqatigiiffia UTC -3-mit UTC -2-mut 2023-mi oktobarimi allanngortinneqarpoq.
Ittoqqortoormiit 2024-mi marsimi UTC-1-imit UTC-2-mut aamma nuuppoq.
Danmarkshavni Pituffillu Space Baselu kisimik pinnatik nunap sinnerani aasaanerani nalunaaqutaq atorneqarpoq.
Ukiut
marluk matuma siorna nalunaaquttap ingerlaaqatigiiffiinut UTC-2-mut
nuukkatta Danmarkip Europallu Kitaata nalunaaqutaannut akunnernik
pingasuinnarnik nikingalerpugut. Silaannakkut angallannermi
iluaqutaangaatsiarnissaa tunngavilersuutigineqartunut ilaavoq.
Taamaattoqarsimasorlu
Air Greenlandip pisortaanera Jacob Nitter Sørensen oqarpoq.
Taamaattumik Inatsisartuni partiit arlaqartut siunnersuutaattut
nalunaaquttap ingerlatseqatigiiffiinik utertitsisoqaqqissappat
suliffeqarfimmi Namminersorlutik Oqartussanit pigineqartumi
uggorineqassaqaaq.
-
Europamut nalunaaquttap akunnerinik pingasunik nikingassuseqartumik
timmisartuussisarnitsigut – aamma allatigut – ungasissumut
timmisartuussinertut isigineqarunnaarluni nunatta iluani
timmisartuussisarnertut isigineqalerpoq.
-
Tamannalu inuttatta qasuersaarnissannut allaanerusunik
malittarisassaqalerneranik kinguneqarpoq, ilaatigut Kalaallit
Nunaanni unnuisinnaalerlutik, Jacob Nitter Sørensen oqarpoq.
Akunnerni
sisamani nikingasoqarpat inuttat Kalaallit Nunaanni unnuissagunik
akunnerni 14-ini qasuersaartitaanissaat piumasaqaataavoq,
assersuutigalugulu Københavnimut uterunik ullut pingasut
qasuersaartussaatitaassallutik. Akunnernik pingasunik nikinganeranni
Kalaallit Nunaanni akunnerni quliinnarni qasuersaartussaatitaapput,
Danmarkimilu akunnerni aqqaneq-marlunni.
Taamaattumik
Air Greenland marsimiilli sapaatip akunneranut sisamariarluni Jet
Time atorlugu timmisartuussisinnaavoq, timmisartoq inuttallu Nuummi
unnueriarlutik aqaguani Danmarkimut uteqqittarlutik. Taamaaliornerlu
ulloq taanna timmisartorfiusumi Europamut ingerlaqqissinnaanermik
periarfissiivoq.
-
Tamanna iluatsilluarsimavoq, tassami Spaniameersut, Frankrigimeersut,
Tuluit Nunaanneersut, Tysklandimeersut allaneersullu unnueqqaaratik
København aqqusaarlugu Kalaallit Nunaannut angalasinnaanngorput,
Jacob Nitter Sørensen oqarpoq.
Nuummi
silagissiillugu Kangerlussuarmiinneq
Air Greenland atlantikoq qulaallugu timmisartorsuarmik allamik
aappaagu decembarimi pisaaqqissaaq. Kalaallit Nunaallu
UTC-2-miiginnassappat inuttanik Kalaallit Nunaanniittunik
atorfeqartitsisoqarsinnaassalluni.
Timmisartortartut inuttallu Københavnimiit Nuummut
timmisartuussigunik Nuummi niussapput, tassanilu inuttat allat
Københavniliaassisussat piareersimassapput. Inuttat taakku tamarmik
tikiffimminni unnueriarlutik aqaguani killormut angallasseqqissapput.
Inuttat akunnerni amerlanerpaamik 15-ini
timmisartuussisinnaatitaammata taamaaliorsinnaaneq periarfissanik
pitsaasunik pilersitsivoq. Kalaallit Nunaannut timmisartuussinissaq
pilersaarutaasoq sulisut katillugit 13-ini timmisartuussivigisarpaat.
Timmisartuussinermi silarluleriataassagaluarpat kinguaattoornissamut
akunnerni marluinnarni piareersimanissamik periarfissaqartitsivoq.
Nuummilu mittarfissuaq siorna ammarneqarmalli silarlussinnaanerata
ilimanassusaa annertusisimavoq.
- Tamanna pissutigalugu assersuutigalugu Kangerlussuarmukarluta
Nuummi silagissinissaa utaqqeriarlugu Nuummukarsinnaanngilagut.
Inuttanik Nuummiittunik sulisoqartuugutta
taamaaliorsinnaassagaluarpugut.
- Silarlussinnaasarnera eqqarsaatigalugu angallassisarnermut
iluaqutaangaatsiarsinnaassagaluarpoq, Jacob Nitter Sørensen oqarpoq.
Aammattaaq nunaqavissut Atlantikoq qulaallugu timmisartuussinermi
sulisorineqarsinnaalissapput, tamannali nalunaaquttap
ingerlaaqatigiiffia UTC-3-mut utertinneqarpat
periarfissaajunnaassaaq.
Inuussutissarsiortut iluaqutissaat peqqissutsimiit pingaarnerua?
Jet Timemik timmisartuussinerit nutaat ilaatigut pissutaallutik, timmisartup inuttallu Kalaallit Nunaanni unnuisarnerisigut, Air Greenlandimiit 2025-mi Atlantikoq qulaallugu angallassinerani 2024-mut sanilliullugu amerlanerusunik kaaviiaartitaqarpoq.
- Atlantikoq qulaallugu timmisartuussinerit amerliartornerat inuussutigisariaqaratsigu Air Greenlandimut iluaqutaangaarpoq. Nunammi iluani angalasartut ikiliartuinnarput ingerlanneralu akitsoraluttuinnarluni, Jacob Nitter Sørensen oqarpoq.
Air Greenlandip angusaasa qimerloornissaat oqitsuinnajunnanngitsoq ilisimavaa, tassami timmisartuussinissat tamaatiinnarneqartarnerat Greenland Airportsillu Nuummi aallartinnerliornera aningaasartuutitigut akisupput.
- Ukiup affaanut naatsorsuutinut ukiumullu naatsorsuutinut angusanut iluaqutaasoq tassaavoq Atlantikoq qulaallugu timmisartuussisarnerit. Taakkualu angallassinissamut pilersaarutit naleqqussarneqarsinnaanerannut ilaatigut pissuteqarluni, pisortaaneq oqarpoq.
2023-mili nalunaaquttap ingerlaaqatigiiffiisa allanngortinneqarnera Air Greenlandimut iluaqutaasimagaluarpoq, allarpassuilli naammagittaalliuutigaat. Nalunaaquttap ingerlaarfigisimasaanut utertitseqqinnissamik tapersiisut 2700-t missaanniittut atsiornernik katersinermi atsioqataapput, ilaatigut seqernup ingerlaarfiata malinnginneranut meeqqatik sunnerneqartutut misiginerat pissutigalugu.
Nalunaaquttap ingerlaarfiisa allanngortinneqaqqinnissaanut inuit peqqissusaannut navianaateqarnera tunngavilersuutigineqartut pingaarnersaannut ilaavoq. Tassanngaanniit inuussutissarsiornermut iluaqutit pingaarnerutinneqassappat?
- Inuit peqqissusaannut qanoq sunniuteqarnersoq misissuisoqartariaqartoq isumaqarpunga. Misissuiffigineqarnikummi allami pisuupput, tassanilu sunniutaat annertoorujussuullutik, Jacob Nitter Sørensen oqarpoq, nangillunilu:
- Misissuinermit inuit peqqissusaannut sunniuteqangaartoq paasineqarpat, soorunami inuit peqqissusaat pingaarnerpaajussasoq isumaqarpunga. Qularutissaanngilaq.
Inatsisartut nalunaaquttap ingerlaaqatigiiffiisa allanngortinneqaqqinnissaannut siunnersuut novembarip arfernani oqaluusereqqissavaat.
Piffissami sivikitsumi allannguisoqaqqissappat aningaasatigut kingunerisinnaasaat millioninik marlunnik kisitsisitalinnik ilaasunik annaasaqartoqarnissaa pissasoq, Air Greenlandimit inatsisissatut siunnersuut pillugu tusarniaanermut akissummini ilaatigut naliliipput.
