EMMANUEL MACRONIP KALAALLIT NUNAANNUT TIKERAARNERA

Maanna nalunaarutigineqarpoq – Macron 15. juni nunatsinnut tikeraassaaq

Ataatsimeeqatigiinnermi nunatta inissisimanera aallaavigalugu nunanut allanut sillimaniarnermullu politikki, silap pissusiata allanngoriartornera nukissiuutinillu ataavartunik ineriartortitsineq eqqartorneqartussat ilagaat.

Naalakkersuisut maanna uppernarsarpaat franskit præsidentiat, Emmanuel Macron Kalaallit Nunaannut pisortatigoortumik tikeraartussaasoq.

Assiliisoq: Ajeng Dinar Ulfiana/Reuters/Ritzau Scanpix

Jensine Berthelsen Jensine Berthelsen Jensine Berthelsen tusagassiortoq

Saqqummersinneqarpoq 7. Juuni 2025 - 08:27

Annonse

Frankrigip præsidentia Emmanuel Macron sapaammi juunip 15-iani nunatsinnut tikeraassaaq.

Franskit præsidentiata tikeraarnermini Naalakkersuisut Siulittaasuat Jens-Frederik Nielsen ataatsimeeqatigissavaa danskit ministeriunerat Mette Frederiksen peqatigalugu, Naalakkersuisut tusagassiuutitigut nalunaaruteqarput.

Ataatsimeeqatigiinnermi nunatta inissisimanera aallaavigalugu nunanut allanut sillimaniarnermullu politikki, silap pissusiata allanngoriartornera nukissiuutinillu ataavartunik ineriartortitsineq eqqartorneqartussat ilagaat, tusagassiutitigut nalunaarummi erseqqissaatigineqarpoq.