KL

DK

Imarisat aningaasaliisartumik tapersersorneqartut

Qarasaasiatigut upalungaarsimaneq sammillugu Kalaallit Nunaat Sungiusarpoq 2026

Kalaallit Nunaat Sungiusarpoq

Assi: Digitaliseringsstyrelsen
Saqqummersinneqarpoq
Dansk

Qarasaasiatigut upalungaarsimanermik ukiumoortumik sungiusarnermi, ”Hele Danmark Øver, Danmarki Tarmarmi Sungiusarpoq”-mut Kalaallit Nunaat siullerpaamik peqataanissamut qaaqquneqarpoq. Tassunga tunngatillugu Digitalinngortitsinermut Aqutsisoqarfiup Kalaallit Nunaanni suliffeqarfiit oqartussa-qarfiillu qarasaasiatigut pisuusaartitsinermi, toqqissilluni Katuami ingerlanneqartumut aggersaavoq. Kalaallit Nunaanni sungiusarneq atserneqarpoq Kalaallit Nunaat Sungiusarpoq, sungiusarnermulli Danmarkimi 2024-mi aallartinneqartumut ilaalluni. 

Assi: Digitaliseringsstyrelsen

Paasissutissat

Qarasaasiatigut saassunneqarninni qanoq iliornissat ima ilikkarsinnaavat

Hele Danmark Øver-imi peqataasutut suliffeqarfivit qarasaasiatigut saassunneqarnissamut piareersimalluarnerunissaanut ikiuutaasinnaasunik atorsinnaasannik tunineqassaatit.

Atorsinnaasat marloqiusanik imaqarput: siulliup saassunneqarnissamut piareersaataasinnaasunik ikiuutissanik imaqarpoq aappaalu saassunneqarnermi kingornalu qanoq iliornissassinnik ilitsersuutinik, sakkussanik siunnersuutinillu imaqarluni.

Uani taanna pillugu annertunerusunik atuagassaqarpoq:

https://heledanmarkover.dk/

Naalagaaffeqatigiinneq tamakkerlugu digitalimik akiuussinnaassutsip nuannersu-mik suleqatigiiffiusumillu nukittorsarnissaa qarasaasiatigut upalungaarsimanermi sungiusarnerup siunertaraa. Sammisaq IT-mi sillimaniarnermut tunngagaluartoq teknikkikkut piginnaasaqanngikkaluarluni peqataasoqarsinnaalersillugu aaqqissuussisoqarpoq. Qarasaasiatigut saassunneqar-neq peqataasunit nalunaaquttap akunnerini pingasuni misigineqarpoq, ataatsimoorlutillu pisoq aallaqqaataaniit naammassinissap tungaanut peqataaffigaat. 

Assi: Digitaliseringsstyrelsen

Sungiusarneq 2024-mi siullerpaamik ingerlanneqarmat Danmarkimi peqataasut taamanili amerlapput, aaqqissussani assigiinngitsuni 20-ni suliffeqarfiit 1000-it sinnerlugit peqataallutik. Kalaallit Nunaat siullerpaamik peqataagaluartoq kalaallit suliffeqarfiisa oqartusaaffiillu qarasaasiakkut sillimaniarnermut pitsanngorsaanissartik aamma soqutigisoorujussuugaat Digitalinngortitsinermut Aqutsisoqarfiup paasivaa.

Kalaallit Nunaat Sungiusarpoq soqutigneqartorujussuuvoq, tamannalu nuannaarutigaara – ingammik pisortaqarfiit suliffeqarfiillu pimoorussillutik peqataanerat”

Rene Kvist, Digitalinngortitsinermut Aqutsisoqarfiup pisortaa oqarpoq.

Aaqqissuussaq soqutigineqarpallaaqimmat aappaagu Kalaallit Nunaat Sungiusarpoq ingerlanneqalerpat illoqarfiit allat aamma peqataatinnissaat anguniarneqarpoq.

Ussassaarinermut aningaasaliissutigineqartoq, Danmarkimi Digitaliseringsstyrelsen suleqatigalugu saqqummiunneqartoq

kalaallit nunaat sungiusarpoq allaaserisaq aningaasaliiffigisaq imarisat aningaasaliisartumik tapersersorneqartut digitalinngortitsinermut aqutsisoqarfik cyberikkut isumannaallisaaneq

Atorfiit tamaasa takukkit

PODCASTI

Powered by Labrador CMS