17-inik ukiulik qimussertoq annaanneqartoq

Kalaallit Nunaanni Politiit qatserisartut suleqatigalugit Tasiilap eqqaani ujaasinermik annaassiniarnermillu suliaqarput.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 2. martsi 2026 - 09:01

Kalaallit Nunaanni Politiit nukappiaqqap 17-inik ukiullip ilaqutaanit ernumasumiit sapaatiummat unnuap-qeqqata qaangilaarnerani nal. 00.37 nalunaarfigineqarput.

Nukappiaraq 17-inik ukiulik Tasiilamiit qimussimik nunaqarfimmut qanittumiittumukartoq ilaqutaasunit ernummatigineqarpoq.

Nalunaarutigineqarnerata kinguninngua politiit ujaasinermik annaassiniarnermillu aallartitsiniarlutik aalajangertut, politiinit Aqqalu Petersen Sermitsiamut oqarpoq.

Ussassaarut

Akunnerpaaluit qaangiuttut politiit qatserisartut suleqatigalugit nukappiaraq 17-inik ukiulik qamuteralaat atorlugit nassaaraat Tasiilamukaallugulu.

- Maanna ajunngilaq, Aqqalu Petersen oqarpoq.