19-nik ukiulik aallaasersornermi kingorna toqutseriarsimasutut unnerluutigineqartoq

Tallimanngornermi unnukkut Kuummiuni aallaasersortoqarpoq, aallaasersortorlu innuttaasut namminneerlutik unitsissinnaasimavaat, taamak politiit ilisimatitsipput.

Assi: Oscar Scott Carl

Morten Okkels Morten Okkels Tusagassiortoq

Saqqummersinneqarpoq 10. Oktobari 2026 - 10:46

Ussassaarut

Kalaallit Nunaanni Politiit ilisimatitsipput, Kuummiuni aallaasersortoqarnerata kingunerisaanik 19-nik ukiulik tigusarineqarsimasoq toqutseriarsimasutullu unnerluutigineqartoq.

Aallaasersortoqarnera pillugu nalunaarutiginninneq politiinit tiguneqarpoq tallimanngornerup unnukkuani nalunaaqutaq 23:28. Aallaasersortoqarnerani inunnik ajoqusertoqarsimanngilaq.

– Politiit Kuummiunukartinneqarput, ornigunnerannilu innuttaasut namminneerlutik aallaasersortoq unitsissinnaasimavaat, taamak ilisimatitsipput Kalaallit Nunaanni Politiit.

Angut arfininngornermi inatsit tunngaviusoq naapertorlugu Sermersuup Eqqartuussiviani killisiorneqassaaq.

– Pisimasoq pillugu pinerluttoqarsimaneranik misissuineq suli ingerlanneqarmat sukumiinerusumik oqaaseqarsinnaanngilagut, politiit ilisimatitsipput.

Ussassaarut

Pisoq pillugu attuumassuteqartumik paasissutissanik ilisimasaqaruit, qinnuigineqarputit politiit nakkutilliisuisa qitiusoqarfianut attaveqaqqullutit 70 14 48-mut sianerlutit.