Aaja Chemnitz Folketingimi ilaasortaajunnaarpoq

Nunatsinniit Folketingimi ilaasortaq Aaja Chemnitz (IA) Christiansborgimi suliunnaartussanngorpoq. Facebookimi quppernerminni taama nalunaaruteqarpoq:

- Folketingimut marsip 24-ani qinersisoqalerpat qinigassanngortinniarnanga aalajangiuppara.

- Ukiuni kingullerni qulini ilissinnut tamanut qiimmassaasimasunut, ikorfartuisimasunut tapersersuisimasunullu uummammit pisumik QUJANAQ, allappoq.

Aaja Chemnitz kalaallinit qinikkat aappaattut 2015-imili Folketingimi ilaasortaavoq, tassalu qinigaaffinni pingasuni ilaasortaalluni.

Folketingimut 2022-mi qinersinermi Inuit Ataqatigiinnut 4.852-inik taasisunit 4.289-init qinerneqarpoq.

Aaja Chemnitz siunissami pilersaarutini pillugit allanngilaq:

- Neriuppunga inuuninni kapitalip tullia aammattaaq malinnaavigisarumaarissi – qularinngilara nuannerlunilu pissanganarumaartoq, allappoq.