KL

DK

ERNERMI SULINNGIFFEQARNERMI ISUMMERSUUT

Aappassaanik ernininni imminut tatiginerulersimanera paasivara

Henriette Dohm Henriette Dohm Timersornermik tusagassiortoq
Saqqummersinneqarpoq

Erninerit annernartutut uippallernarsinnaasullu pillugit oqaluttuarpussuaqarpoq.

Anniarneq. Uippalleqqaneq. Pissallu ilaani timimut tunniutiinnarneq.

Erninerit annernartutut uippallernarsinnaasullu pillugit oqaluttuarpussuaqarpoq.

Anniarneq. Uippalleqqaneq. Pissallu ilaani timimut tunniutiinnarneq.

Erninerilli imminut nassaareqqinnermut tunngasut pillugit oqaluttuat qaqutigoorput.

Aappassaanik ernininni taanna misigaara.

Imaanngilaq erninera siulleq ajortuusoq, allanngornerujussuarli misigaara.

Angajullequtinga inuummat suut tamarmik ataatsikkoorput. Misiginikuunngisaannakkakka tassanngaannaq isumagisussanngorpakka. Timima naalungiarsummiit pisariaqartinneqarnera, asanninnerujussuup misigisama inissaqartinnissaa akisussaafferujussuarmillu paarisaqalernera.

Meerartaaqqaanermi meeqqamut tunngaannanngilaq. Tassaavorli aamma perngaammik anaananngorneq.

Aappassaanik meerartaarninni misigisaq allaaneruvoq.

Misilittagaqarlunga ernisarfimmut iserpunga. Pilersaarusioqqaanngikkaluarlunga misigereernikuugakku eqqissisimallunga - aali sumiiffimmi allamiikkaluarlunga.

Ernininni siullermi misigisakka aamma misigeqqippakka. Perngaammilli misiginnginnakkit nalunngereerpakka.

Misigivunga pissutsinut aqussinnaanngisannut akersuuttariaqarnanga.

Immaqaana aamma taamaammat aappassaanik ernisunnera allaanerusoq: Ilisimasaqarfiginngisakka uippallissutiginngilakka. Piffissami tamaaniippunga.

Piffissaq atorluarlugu. Nukissaqarlunga. Aninguiniarsarinermi nilliananga, nipaatsumik misigalugu.

Ernisunnermi qaangiunnera killitsinnarnerpaagunarpoq – misigissutsitigut aninguisutut misinnarluni.

Ernera saamaqaluni inunngorpoq, qalasiatigut aaversinnera aatsaat inunngoqqammerneranik takussutissaqarani. Sakissanniinnerani aatsaannguummat ernisunnermi misigisaq soorlu qaangiuterujussuareersimasutut ittutullusooq pilluni. Saanniiginnarpoq. Qanilaarluni. Angerlaareerluni.

Uanga aamma taamatut misillunga paasileriasaarpara.

Imminut ujartoqqittariaqarnanga.

Misilittangaqarfigereerlugu.

Angajullermik erninerma kingorna inuunermi allanngortoqarujussuarnera aningorsinnaallugu paasinikuuara.

Aappassaanik ernininni imminut tatiginerulersimanera paasivara.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

anaananngorneq aappassaanik ernineq placed erniffik inuiaqatigiit ernineq imminut tatigineq

Atorfiit tamaasa takukkit

PODCASTI

Powered by Labrador CMS