Aarhusimi allagartanik tillitanik Eskomovejimik allaqqasunik nassaartoq akissarsitinneqassasoq
Aarhusip Kommuniata Aarhusimi Eskimovejip taaguutaa taarserneqassasoq sisamanngormat nalunaarutigaa. Kingorna aqqusernup atiata allagartai marluk tammarput.
Uani Aarhusip rådhusiani aqqusernup taaguutaa politikikkut suliassannguuppoq.
Assi: Aarhus Kommune
Aarhusimi aqqusernup taaguutaata allagartai marluk
tallimanngormat, Aarhus Kommunip Eskimovejip nutaamik taaguuserneqarnissaanik
nalunaarnerata kinguninngua, tillinneqarput.
Maanna inummut inunnulluunniit allagartat
nassaarineqarnerannut peqataasunut akissarsititsisoqarnissaa
neriorsuutigineqarpoq. Taama TV2 Østjylland allappoq.
Aallaqqaammut eqqumiitsulianik tuniniaasartoq Erik
Guldager, Aarhusimi peroriartortoq allagartanut 10.000 koruuninik
akissarsititsisoqarnissaanik neriorsuivoq.
Kingorna arlallit akissarsiassanut tapiinerisigut akissarsiassat
25.000 koruuninut qaffapput.
Aarhus Kommunia Eskimovej, Risskovip
Issittumut immikkoortuanik taaneqartumiittoq marsip aappaaniit Silavejimik
taaguuteqalissasoq sisamanngormat allappoq.
- Naalagaaffeqatigiinneq tatigineqangaatsiarpoq. Taamaammat immitsinnut ataqqeqatigiinnissarput aatsaat taama pingaaruteqartigivoq, Nicolaj
Bang, kommunimi teknikimut avatangiisinullu rådmandi tusagassiuutitigut
nalunaarummi allappoq.
Taaguutip allanngornera Aarhusimi Kalaallit Illuannit
ilinniartullu peqatigiiffiannit Avalammit attuumassuteqannginnerusumik
taaguusiinissamik kissaateqarnerisa kingorna pivoq.
