Aasiaat eqqaani inummik ujaasisoqartoq 

Inuk Aasiaat eqqaani imaatigut angalasimasoq maqaasineqarpoq. Inuk taanna maanna ujaarineqartoq, Issittumi Sakkutooqarfik Sermitsiamut ilisimatitsivoq.

- Issittumi Sakkutooqarfiup Aasiaat eqqaani inummik imaani angalasumik, maqaasineqartutut nalunaarutigineqartumik, ujaarisaqarnini uppernarsarsinnaavaa, taakkua allapput.

Issittumi sakkutooqarfiup umiatsiaq angallatitut atorneqartoq, nanineqarsimasoq, ilanngullugu paasissutissiissutigaa.

Kalaallit Nunaanni Politiit aamma Issittumi Sakkutooqarfik ujaasinermi suleqatigiillutik imaatigut qulimiguulillu atorlugu ujaasisimapput.

Issittumi Sakkutooqarfik qulimiguulik atorlugu suli ujaasisoqassasoq allapput.

Ujaarineqartup suiaassusaa, ukiuilu ilisimatitsissutigineqanngillat.