Aasianni – aammaarluni – ikuallattoqaqqittoq

Aasianni Nukissiorfiit eqqaanni ualilersoq ikuallattoqarpoq, illoqarfillu sarfaarussimalluni.

Kalaallit Nunaanni Politiit taama nalunaarput.

Pigaartut pisortaat Bent Johnsen oqarpoq generatoreqarfiup nalaani ikuallattoqarsimasoq. Maannali ikuallanneq qaminneqareersimasoq.

Ikuallanneq sumit pissuteqarnersoq paasiniarneqareerpat politiit annerusumik aatsaat oqaaseqarsinnaapput.

Nukissiorfiit Facebookimi quppernerminni ilisimatitsipput Aasianni innaallagiamik pilersuineq ajoquseqqangallartoq, iluarsiisoqarniarlunili piaartumik sulisoqartoq.

Qaammat ataaseq matuma siorna Aasianni Nukissiorfiit eqqaanni aamma ikuallattoqangaatsiarpoq. Ikuallattoqarneranilu aamma illoqarfik sarfaarussimalluni.