Akiliisitsilluni aallaaniartitsineq, Kalaallit Nunaanni aalajangersimasumik najugaqarnissamik piumasaqaammik sukateriffigineqartoq

Akiliisitsilluni piniarnermut aaqqissuussisartut ukiuni tallimani kingullerni, Kalaallit Nunaanni najugaqarsimanissaannik piniarnermullu misilittagaqarluarnissaannik piumasaqaatit juulip aallaqqaataaniit atuutilissapput.

Assi: Leiff Josefsen

Thomas Munk Veirum Thomas Munk Veirum Tusagassiortoq

Saqqummersinneqarpoq 12. Juuni 2026 - 10:03

Naalakkersuisut akiliisitsilluni piniartitsinermik aalisartitsinermillu malittarisassat nutaat pillugit nalunaarummik akuersissuteqaqqammerput.

Malittarisassat juulip aallaqqaataani atuutilersinneqassapput, akiliisitsilluni piniarnermi aaqqissuussisarnermut piumasaqaatit sukaterneqarneri allannguutini pingaarnerit ilagaat.

Aaqqissuussisut ukiuni tallimani kingullerni Kalaallit Nunaanni najugaqarsimanissaat piniarnermilu misilittagaqarluarnissaat piumasaqaatigineqarpoq.

Ussassaarut

Taamatuttaaq akiliisitsilluni piniartitsinermi angallassinermi maleruagassat assingusut atuutilersinneqarput. Kalaallit Nunaanni najugaqartuunissaat piniarnermillu misilittagaqarluarnissaat piumasaqaataavoq.

Akiliisitsilluni aalisarneq eqqarsaatigalugu, akiliuteqarluni aalisarnissamut akuersissut nittartakkatigut immersorneqartussaq takornarissanut periarfissiissutigineqarpoq.

Naalakkersuisut naapertorlugit takornarialerisut,sullitatik sinnerlugit akuersissutinik pisisinnaapput, nittartakkap nutaap takornarissat aalisarsinnaanermut akuersissummik pissarsinissaat ajornannginnerulersissavaa.

Nalunaarut uani atuarneqarsinnaavoq.