Nuup
Mittarfiani timmisartunik aqutsisunik atulersitsinissamut
piffissanngunngila? Tamanna Greenland Airportsip maannakkut
mittarfimmi killilersuutit maanna atuuttut eqqarsaatigalugit
sammivaa.
Nuup
Mittarfiani timmisartuik aqutsisut akuerineqartariaqartut
Angallannermik
Aqutsisoqarfik
isumaqarpoq. Atorfilittammi ima tamanna aalajangiusimatigivaat,
allaat Nuummi timmisartunik aqutsisoqarnissaanut misissueqqaarnermik
inniminiillutillu tigusaqareerlutik.
Nuup
Mittarfiani timmisartunik aqutsisunik atulersitsinissamut
piffissanngunngila? Tamanna Greenland Airportsip maannakkut
mittarfimmi killilersuutit maanna atuuttut eqqarsaatigalugit
sammivaa.
Nuup
Mittarfiani timmisartuik aqutsisut akuerineqartariaqartut
Angallannermik
Aqutsisoqarfik
isumaqarpoq. Atorfilittammi ima tamanna aalajangiusimatigivaat,
allaat Nuummi timmisartunik aqutsisoqarnissaanut misissueqqaarnermik
inniminiillutillu tigusaqareerlutik.
Misissueqqaarneq
naalagaaffiup pigisaanit Naviairimit suliarineqarpoq, taakkulu
Kalaallit Nunaata silaannartaani timmisartunik paasissutissiinermik
sullissineq, danskillu mittarfiini annerni timmisartunik aqutsineq
isumagisarereerpaat.
Inerniliussat
januar 2025-mili piareerput, kingornalu Naalakkersuisunut Greenland
Airportsimullu ingerlateqqinneqarput, matoqqasumilli tassani
suliarineqarput. Quppernerit ”ISERTUSSASSAQ” ilisarnaasigaapput,
aatsaallu maanna taakku ammasumik saqqummiunneqarput:
–
Trafikstyrelsi
naalagaaffiup timmisartuussinermik sullissivianut Naviairimut Nuup
Mittarfiani timmisartunik aqutsisunik pilersitsinissami suliap
ingerlanissaa aningaasartuutillu paasisaqarfiginerujumallugit
saaffiginnittoq, aqutsisoqarfimmut
allaffimmi pisortaq Signe Finderup Slot uppernarsaavoq.
–
Nuup
Mittarfia silaannakkut angallannermi qitiusutut nutaatut
timmisartumik aqutsisunik, AFIS-operatørinit illoqarfiup
pingaarnersaani timmisartuussinernik amerlasuunik
passusisinnaanerusunik inuttalerneqarnissaa, Angallannermut
Aqutsisoqarfimmit
aallaqqaataanilli kaammattuutigineqarpoq,
taanna allappoq.
Toqqaaneq
assortuuffiusoq
Nuummi
timmisartunik aqutsisut (amerlasuutigut ATC-mik naalisarneqartartut)
AFIS-illu
akornanni toqqaaneq Angallannermut
Aqutsisoqarfimmit
Greenland Airportsillu akunneranni ukiuni marlunni kingullerni
annertunerpaamik isumaqatigiinngissutaavoq.
Timmisartunik
aqutsisut AFIS-llu akornanni assigiinngissummut nassuiaat naatsoq
tassaavoq timmisartunik aqutsisut silaannartami ingerlaarnernik
nakkutilliisarnerat. AFIS-operatørit taamaallaat paasissutissanik
naapertuuttunik timmisartortartut tinginerminni minnerminilu
aalajangernissamut atugassaannik nalunaaruteqarneq ingerlataraat.
Taamaalilluni AFIS atorlugu aalajangernissat amerlanerit
timmisartortartut tigusarpaat. Nuummi mittarfiup ulloq 28. november
2024-mit taamaallaat AFIS-imik ingerlatsivittut ammarnissaa,
Angallannermut
Aqutsisoqarfiup
Greenland Airportsimut mianersoqqussutigaa. Taamaattoq
assigiinngitsunik killilersuutitalimmik tamatuma pinera
Angallannermut
Aqutsisoqarfiup
akueraa. Qanga Angallannermut
Aqutsisoqarfiup
Naviair timmisartunik aqutsisunik nassuiaasioqqusinera erseqqissumik
ilisimanngilarput, nalunaarusiamili quppernerit tamarmik 10. januar
2025-mik ulluligaapput.
2025-mi
ukiakkut Nuup Mittarfiani annertusiartorneq
naammassinnissinnaassutsimut sanilliullugu annertuallaartoq,
Angallannermut
Aqutsisoqarfimmut
paasinarsivoq.
–
Taamaammat
AFIS-imik sullissinermut tunngatillugu killilersuutinik
atuutilersitsisariaqarsimavugut, taakkullu Nuummit Nuummullu
timmisartuussinernik suli killiliinerupput, tamannalu mittarfimmut
taama annertutigisumik isumaginnittumut soorunami
pitsaanerpaanngilaq, taamaattorli isumannaatsuunissap
qaffasissuunissaa pillugu pisariaqarpoq, Signe Finderup Slot
oqarpoq.
Tamatumani
ilaatigut nalunaaquttap akunneranut marluinnaat missinnaanerannik
pilersaarusiortoqarnissaa pineqarpoq, tamannalu Air Greenland
naapertorlugu timmisartuussinissanik pilersaarusiornermut annertuunik
ajornartorsiortitsivoq.
Timmisartunik
aqutsisunut periarfissat marluk
Ukiaq
manna Angallannermut
Aqutsisoqarfiup
nutaamik aalajangerneratigut timmisartunik aqutsisut pillugit apeqqut
sukannersumik killilersuinerit qimanniarlugit aqqutissat pingaarnerit
ilaattut qaqilerneqaqqippoq.
Tassunga
atatillugu Naviairip nalunaarutaa Greenland Airportsip
isumassarsivigisinnaasaatut qaqilerneqaqqippoq. Greenland Airportsip
maannakkuugallartoq isumaliutit taakku itisilerumanngilai.
Sermitsiap
tamatuma imarisai immikkut allaaserissavai, naatsumilli oqaatigalugu
Naviairimit tunngavissiaq marlunnik aaqqiissutissanik
periarfissaqarpoq.
Siulleq
tassaavoq timmisartunik aqutsisut minneq ilanngullugu
ingerlatsinissaat. Aappaa avillugu aaqqiissusiaavoq,
tassanilu aqqutip ilaa timmisartunik aqutsisunit isumagineqassaaq,
AFIS-ilu appasinnerusuni isumaginnilluni. Aaqqissut kingulleq
Norgimit ilisimaneqarpoq, tamannalu timmisartuussinernik immikkut
ilisimasallip Hans Christian Stigaardip sammisaq pillugu allaaserisap
siuliani oqaaseqarfigaa.
Tamatuma
saniatigut Naviairip sivikitsumik aaqqiissut Københavnimit
isumagineqartoq qissimippaa, taannali misissuinermi sakkortuumik
oqaaseqarfigineqarpoq.
Mittarfimmik
pisussaaffiliinngitsoq
Naviair
Nuummi timmisartunik aqutsisoqalissappat suliassamik
isumaginnittussaqqippoq. Taamaammallu Sermitsiap
unammilleqatigiinnermut tunngasut aamma apeqquteqarfigai:
Naviair
suliassamik namminneq kingusinnerusukkut neqeroorfigisinnaasaminnik
nassuiaanissaminni iluaquteqarnissaa Angallannermut
Aqutsisoqarfimmit
nassuerutigisinnaavaa?
–
Naviair
ataatsimut samminerusumik tunngavissialiornermigut
unammilleqatigiinnikkut immikkut iluaquteqarsinnaasoq
isumaqanngilagut, Greenland Airportisimi timmisartunik aqutsisussanik
aalajangersimasunik toqqaanissamut pisussaaffeqanngilaq, allaffimmi
pisortaq Signe Finderup Slot akivoq.
Angallannermut
Aqutsisoqarfik
tunngavissiamik suliarinninnermut atatillugu
aningaasartuuteqarsimanngitsoq, taassuma ilanngullugu oqaatigaa.
Naggasiullugu
Angallannermut
Aqutsisoqarfik
siornatigut ingerlatseqatigiiffiup aalajangernissamut tunngavissaanik
ilitsersuutaasumik nalunaarusiamik siusinnerusukkut
inniminniisimanersoq Sermitsiap apeqqutigaa. Tamannali
akissutissarsinngilarput.
