Angummik maqaasineqartumik SAR-imik ujaasineq unitsinneqarpoq

Angummik 49-nik ukiulimmik ujaasineq unitsinneqarpoq. Ajoraluartumillu nassaarineqanngilaq.

Angummik 49-nik ukiulimmik ujaasineq unitsinneqartoq, Issittumi Illersornissaqarfik nalunaarpoq.

Assi: Jesper Hansen

Thomas Munk Veirum Thomas Munk Veirum Tusagassiortoq

Saqqummersinneqarpoq 26. Aggusti 2026 - 08:31

Ussassaarut

Qeqertarsuup Ilulissallu akornanni angut annanniummi nassaarineqareersorlu SAR-imik ujaasineq arfininngormat ualikkut aallartinneqarpoq.

Oqartussaasut ilimagineqarpoq angut ajunaartoq umiatsiaaqqamut aalisariummut ikisimasoq, tassanilu angut 49-nik ukiulik ilaaffigisimagaluarlugu annanniummut ikinngitsoorsimasoq.

Tamanna aallaavigalugu angummik 49-nik ukiulimmik angallammillu ujaasineq annertooq aallartinneqarpoq. Kalaallit Nunaanni Politiit, Issittumi Illersornissaqarfik, inuillu ataasiakkaat angallamminnik ujaaseqataapput.

Ujaasineq taamaatiinnarneqartoq, 49-nillu ukiulik ajoraluartumik suli maqaasineqartoq, Issittumi Illersornissaqarfik marlunngornermi unnukkut Sermitsiamut ilisimatitsivoq.

Qanigisaasut ilisimatinneqartarput.