Angut nakuusersimasutut kiffaanngissusiiaasimasutullu suliamut atatillugu tigusarineqartoq

Angutit marluk 30-nik aamma 31-nik ukiullit Tasiilami politiinit marlunngornermi tigusarineqarput. Taakku angummut 56-inik ukiulimmut kiffaanngissusiiaasimasutut nakuusersimasutullu pasineqarput.

Angutit taakku marluk pingasunngornermi tigummigallarneqarnissartik pillugu eqqartuussivimmut sassartinneqarput.

Angut 30-nik ukiulik ulluni 27-ni tigummigallarneqartoq, 31-nillu ukiulik iperagaasoq pigaartut pisortaata Siimuut Dahlip sisamanngornermi ullaakkut Sermitsiamut ilisimatitsissutigaa.

Pigaartut pisortaat maannakkut misissuisoqarnera pissutigalugu pisoq pillugu annerusumik oqaaseqarsinnaanngilaq.

Taanna ulloq unnuarlu angerlarsimaffimmi eqqissiviilliornerit imigassartortoqarsimaneralu pillugit sulianik ulikkaartoq, ilaatigut sisamanngornerup unnuaani Nuummi aalakoorluni biilertoqarsimasoq oqaluttuarpoq.