Angutit marluk tigusarineqarput kiffaanngissusiiaanermillu persutaasimanermillu unnerluunneqarlutik

Marlunngornermi angutit marluk 30-nik 31-nillu ukiullit Tasiilami tigusarineqarput.

Angummut 56-nik ukiulimmut kiffaanngissusiiaasimasutut persuttaasimasutullu politiit pasigaat, pigaartut pisortaata Poul Kreutzmannip oqaluttuaraa.

Politiit oqarnerat malillugu 56-nik ukiulik piffissami sivisuumi kiffaanngissuusiiagaavoq, persuttarneqarluni toqunneqarnissaminillu siorasaarneqarluni.

Angutit marluk pingasunngornermi suliami tigummigallarneqarnissaa siunertaralugu eqqartuussivimmut sassartinneqassasut, pigaartut pisortaata oqaluttuaraa.

Politiit suli imigassartorsimanerup kinguneranik pisunik ulapputeqartut, Poul Kreutzmannip ilanngullugu oqaatigaa.

Assersuutigalugu angut 20-nik ukiulik pingasunngornermut unnuaani politiinit unitsinneqarpoq. 20-nik ukiulik promilli killigititaasoq qaangerlu imagassartorsimanermut misissuummut supoorivoq, pisumilu tigusarineqarluni.