Aningaaseriviit misissuinerat: Nuummi illuutilinnut nutaarsiassaq nuannersoq
Nuummi inimik piginnittut ukiuni arlalinni inissiat akiisa nikissimannginerat pissutigalugu tuniniaanissamik ajornarnerujusussuusimanera misigaat, maannali isumalluarnartoqartoq Grønlandsbanken naliliivoq.
Nuummi ininik tuniniaaneq ukiuni kingullerni sivisunerulersimavoq. Akit ineriartornerat taamaaginnarput, maannali isumalluarnartoqartoq, Grønlandsbanken naliliivoq.
Toqqorsivimmit: Leiff Josefsen
Nuummi inissiat akii 2022 tikillugu qaffakkiartuinnarsimapput. Ukiuni
kingullerni pingasuni inissianik tuniniaanermi pisut
allanngorluinnarput, inissianillu tuniniaaneq
sivisunerujussuanngortarpoq.
2022-mi inigisamik tuniniaaneq agguaqatigiissillugu ulluni 75-ini pisarpoq.
2025-mili kvartalit pingajuanni erniat qaffakkiartorput, piffissarlu
tuniniaanermi atorneqartoq ullut 300-t angullugit
amerlassuseqarlutik, Grønlandsbankenip 2025-mut ukiumoortumik
nalunaarusiaani misissuinerup takutippaa.
Inip tuniniarlugu aallartinneranit tuniniarneqartutut allattorsimaffimmiit peerneqarnissaata tungaanut ullut qassiusarnerinut ineriartorneq. Kalaallit Nunaanni inissiat tunineqartut kisimik ilanngunneqarput, Danmarkimilu aamma inissiat tunineqarsimanngitsut ilanngunneqarput. Ulloq tunineqarfia/peerneqarnera aallaavigalugu uninngatitsisarneq naatsorsorneqarpoq. 2025-mi kvartalit siulliit pingasut ilanngunneqarput paasissutissat pissarsiarineqarsinnaasut aallaavigalugit.
Aallerfik: GrønlandsBANKEN aamma FinansDanmark.
Inip tuniniarlugu aallartinneranit tuniniarneqartutut allattorsimaffimmiit peerneqarnissaata tungaanut ullut qassiusarnerinut ineriartorneq. Kalaallit Nunaanni inissiat tunineqartut kisimik ilanngunneqarput, Danmarkimilu aamma inissiat tunineqarsimanngitsut ilanngunneqarput. Ulloq tunineqarfia/peerneqarnera aallaavigalugu uninngatitsisarneq naatsorsorneqarpoq. 2025-mi kvartalit siulliit pingasut ilanngunneqarput paasissutissat pissarsiarineqarsinnaasut aallaavigalugit.
Aallerfik: GrønlandsBANKEN aamma FinansDanmark.
Inissiat akii erniat qaffasissusaanik inissiallu qanoq
amerlatiginerinit sunnerneqartarput, ukiunilu kingullerni
sanaartorfiunerusuni amerlasoorpassuarnik inissialiortoqartarpoq.
- Piffissami tamatumani kvadratmeterimut agguaqatigiissillugu aki 31.000 koruunit missaannik naleqarpoq. Inuiaqatigiinni nalinginnaasumik akit ineriartornerat eqqarsaatigalugu tamanna inissiat akiinik appariarujussuarnermik kinguneqarpoq. 2025-mi akit COVID-19-ip nunarsuarmi tuniluunnerata siornarnit appasinnerupput, Grønlandsbanken misissueqqissaarnermini allappoq.
Aalajangiisoq
Ineqarnermut akiliutit qaffakkiartornerannut aalajangiisoq tassaavoq “2022-mi taarsigassarsiat erniaasa qaffannerat ukiunilu tulliuttuni qaffasinnerusumik inissisimanerat”.
- Tamanna aamma inissianik tunisineq
annikitsuinnarmik appariarsimanerani takuneqarsinnaavoq, agguaqatigiissilluguli inissiat
tunineqartut siulianut sanilliulllugu annikilleriarsimapput, misissuinermi
allassimavoq.
Nuummi, Danmarkimi Københavnimilu akit kvadratmeterimut agguataarneqarnerat tunngavigalugu naatsorsuineq pivoq, Tórshavnimi (Savalimmiut) akit tuniniaanermi akigitinneqartut tunngavigalugit naatsorsorneqarpoq. Atuisunut akit nalimmassagaanerat malillugu nalilerneqarsimanngillat taamaattumillu ineqarnermut akit allanngorsimanerannik takutitsisuupput. Savalimmiuni paasissutissat 2024 tungaanut taamaallaat atuupput paasissutissat amigarneri pissutigalugit. Nuummi Danmarkimilu 2025-mi kvartalit siulliit pingasut ilanngullugit naatsorsorneqarput.
Aallerfik: GrønlandsBANKEN, FinansDanmark, aamma Færøernes Statistik.
Illoqarfiit pingaarnersaanni illuuteqareersunut nutaarsiassatsialaagallarpoq, aningaaserivik naliliivoq, imalu allalluni:
- Akit appariartornerat pissutigalugu piffissami aggersumi pisisartut amerlanerulernissaat ilimanarpoq.
Inissialiornerit arlallit maanna naammassineqarsimalereernerat, taamaammallu neqerooruteqartoqarpallaarunnaarnera inissianik piginnittunut nutaarsiassatsialaateqarneranut pissutaavoq.
- Tamanna tuniniaanerit uninngasarnerannut akinut nalimmassarnermut
iluaqutaassaaq, Grønlandsbanken naliliivoq, erseqqissarpaalli
pissutsit arlallit assigiinngitsunik sunniuteqarsinnaasut:
Ineriartorneq annikitsoq apparsaataasinnaasoq
- Ukiunili tulliuttuni inissianik tuniniaanerup siunissaa
neqeroorutigineqartut kisiisa aallaavigalugit
aalajangiiffigineqarsinnaanngillat. Inissianik tuniniaanermut
piumasaqarnerit aningaasaqarnerup ineriartorneranut
attuumassuteqarnerattulli pingaaruteqartigaaq. Aningaasatigut
siuariartorneq erniat apparnerisigut isertitallu killilimmik
qaffakkiartorpata, tamanna niuernermut sunniuteqarsinnaavoq.
Nuummi init akiisa ineriartornerat Københavnimut Torshavnimullu sanilliukkaannni assigiinngissutaat annertuvoq, soorlu takussutissami takuneqarsinnaasoq. Københavnimi Torshavnimilu ineqarnermut akit 2024-mi aamma 2025-mi qaffakkiartorput, Nuummiut pinnatik killormuuanik ingerlasoqartoq.
