Annaassiniarnerit amerlasuut ingerlanneqareersullu politiit kaammattuuteqarput

Inuit pinngortitami imaanilu ajornartorsiortut ikiorniarlugit, ujaasinernik annaassiniaanernillu arlalissuarnik sapaatip-akunnerata siuliani oqartussat suliaqarput.

Tamatumunnga atatillugu, innuttaasut imminut paarilluarnissaannik, minnerunngitsumillu atortunik pisariaqartunik kiisalu nerisassanik imermillu naammattunik nassarnissamik eqqaamanninnissaannut, Kalaallit Nunaanni Politiit innuttaasunut kajumissaaruteqarput:

– Kalaallit Nunaata Politiivisa innuttaasut tamaasa kaammattorusuppaat aallannginnermi piareersarluaqqullugit aammalu sumiissusersiummik tatiginartumik soorlu GPS'imik allamilluunniit attaveqaataasinnaasumik sumiissusersiuutaasinnaasumillu naleqquttumik nassataqartaqqullugit, ajutuussagaluaraanni uternissamut ikiortissarsiornissamullu ajornannginnerussammat, politiit tusagassiuutinut nalunaarummi allapput.

Pisuttuannginnermi imaaniluunniit angalannginnermi uku qulakkeerneqaqqaarnissaat, politiinit kajumissaarutigineqarput:

• Nerisassanik imigassanillu naammattunik nassataqarnissat

• Atisanik atortunillu silamut ingerlavissamullu tulluartunik, ilaatigut GPS'imik allamilluunniit attaveqaataasinnaasumik sumiissusersiuutaasinnaasumillu naleqquttumik nassataqarnissat kiisalu angalanissami ilaasut tamassi annanniummik aaqanngitsumik atugaqarnissarsi.

• Sumukarninnik, qaqugulu utissanganinnik, ilaquttavit ikinngutivillu paasitereersimanissaat.