Anorersuarnissaanik aarlerisaarisoqarnera pissutigalugu timmisartuussinissat siuartinneqartut

Air Greenlandip timmisartuussinissat arlallit ataasinngornermit sapaammut siuartippai.

Nuup Københavnillu akornani timmisartuussinissat kiisalu nunatsinni timmisartuussinissat ataasinngornermit apriilip 20-ianit sapaammut apriilip 19-ianut siuartinneqarput.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Offentliggjort lørdag 18. apr 2026 12:03

Ilaasussat ataasinngornermi Air Greenlandimik angalasussat ullormik ataatsimik siusinnerusumik kuffertiminnik poortuisariaqarput.

Timmisartortitseqatigiiffiummi anorersuarnissaanik aarlerisaarineq pissutigalugu timmisartuussinissat arlallit siuartittariaqarpai.

Air Greenland naapertorlugu ataasinngorpat Nuummi, Sisimiuni Maniitsumilu 60 knob angullugu sakkortutigisumik anorersuarnissaa aarlerisaarutigineqarpoq.

Ussassaarut

Taamaammat Nuup Københavnillu akornanni kiisalu nunatsinni timmisartuussinissat ataasinngornermit apriilip 20-ianit sapaammut apriilip 19-ianut siuartinneqarput.

Allannguinerit ilaasussanut kalluarneqartunut, angalanissamut pilersaarummik nutaamik naassitsittunut nalunaarutigineqarput. Suliaq pillugu Air Greenlandip nittartakkakkut quppernerani paasisaqarnerugit.