Arctic Circle Business nutaanik siulersuisuni ilaasortaqalersoq
Ilaasortat marluk nutaat Arctic Circle Businessip siulersuisuinut ilanngupput, allamillu aamma siulittaasumut tulleqalerluni.
Saamerlernit: Siulittaasup tulliatut tunuartoq Henrik Sachse, siulittaasoq Agathe Fontain aamma siulittaasup tullia nutaaq Palli Fleischer-Lyberth.
Assi: Arctic Circle Business
Arctic Circle Businessimi maajip 28-ani ataatsimeersuartoqarmat siulersuisuni marlunnik nutaanik ilaasortaqalerpoq. Palli Fleischer-Lyberth Vivi Schulzilu.
Palli Fleischer Lyberth Sisimiut Fresh Farmimik piginnittuuvoq, taanna siulittaasumut tullinngorpoq. Vivi Schultz Kangerlussuarmi Arctic Shopimik piginnittuuvoq.
Arctic Circle Business aaqqissuussaavoq namminersortoq Qeqqata Kommuniani inuussutissarsiortunit ingerlanneqartoq. Siulersuisuini siulittaasuuginnartoq Agathe Fontain ima oqarpoq:
– Nuannaarutigalugu eqqaarusuppara kinguaariit nutaat bestyrelsemi siuttuunissaq piukkunnarsarfigissagaat. Minikkusunngilara qujaffigalugu Henrik Sachse siulittaasut tulliatut ukiorpaalunni ingerlasimasoq, aammalu bestyrelsiusimasut Sofie Frydenregn Johansen, Jonas Nielsen og Magnus Elleby, qujassuteqarfigerusuppakka suleqatigiissimanerput pillugu.
Arctic Circle Businessip siulersuisui ima isikkoqalerput:
Siulittaasoq: Agathe Fontain, WestGreenland Wildlife
Siulittaasup tullia: Palli Fleischer Lyberth, Sisimiut Fresh Farm
Siulersuisut ilaasortaat: Najannguaq D. Lennert, GrønlandsBANKEN; Henrik Sachse, Arctic Star; Vivi Schultz, Arctic Shop aamma Ulloriaq Kreutzmann, Milak Productions / Tupilak Constructions
Sinniisussat: Maliina Lyberth, psykolog aamma Linda Madsen, Polar Entreprise A/S
