Qeqqata
Eqqartuussisoqarfiani arnaq 27-nik ukiulik, Sisimiuni
arlaleriarluni nakuusertarsimasoq allanillu pinerluuteqarsimasoq,
februaarip aqqarnani eqqartuussaavoq.
Pisuni
qulini nakuusernermut, sioorasaarinermut, aserorterinermut,
tillinniarnermut pisortallu oqartussaatitaannik narrunarsaasutut
2024-mi marsimiit 2025-mi juunip tungaanut pisuni
unnerluutigineqarpoq.
Qeqqata
Eqqartuussisoqarfiani arnaq 27-nik ukiulik, Sisimiuni
arlaleriarluni nakuusertarsimasoq allanillu pinerluuteqarsimasoq,
februaarip aqqarnani eqqartuussaavoq.
Pisuni
qulini nakuusernermut, sioorasaarinermut, aserorterinermut,
tillinniarnermut pisortallu oqartussaatitaannik narrunarsaasutut
2024-mi marsimiit 2025-mi juunip tungaanut pisuni
unnerluutigineqarpoq.
Arnap
27-nik ukiullip pisimasut ilaat nassuerutigai, eqqartuussivimmilu
taakkunani tamani pisuutinneqarpoq. Tarnikkut nappaateqarnera
pissutigalugu Danmarkimi tarnikkut napparsimasut napparsimmavianni
katsorsarneqartussanngortinneqarpoq.
Nakuusertarnera
Sisimiuni paaqqinnittarfimmi aalajangersimasumi sulisunut
tunnganeruvoq.
Arnaq
sulisup niaquanut tillussisimasutut, sulisumut allamut assaatigut
annersaasimasutut, sulisumik nujaartuisimasutut, sulisumullu allamut
savimmik milorujussisimasutut pisuutinneqarpoq.
Aamma
Sisimiuni pisiniarfinni assigiinngitsuni nakuusersimasutut,
sioorasaarisimasutut, aserorterisimasutut tillinniarsimasutullu
eqqartuunneqarpoq. Brugsenimi pisoq uissuumminarnerpaavoq, tassani
arnap niviarsiaqqamik taamanikkut pingasuinnarnik ukiulimmik
tillussisimasutut imaluunniit sakkortuumik ajatsisimasutut
eqqartuunneqarami.
Taakkua
saniatigut arnamik allamik, arnap najugaqarfigisaani, unataavoq.
Arnap matu ajallugu ammariarlugu najugaqartoq uppisissinnarlugu
tukkaatarisimagaa eqqartuussivimmi uppernarsarneqarpoq.
Arnaq
pineqaatissinneqartoq tarnip pissusaanik ilisimasalimmik
skizofreneertutut takusuusisartutut nalilerneqarpoq. Taamaattumik
tarnikkut nappaateqartutut nalilerneqarpoq, nalinginnaasumillu
pineqaatissinneqarsinnaanani.
Naapertuilluartumik
pineqaatissiinissaq isumaqatigiinngissutaasoq
Arnap
katsorsagassanngortinneqarnini akueraa, Danmarkimiinnanili
Kalaallit Nunaanni pissasoq isumaqarluni.
Arnap
illersuisuata Europami inuit pisinnaatitaaffii pillugit
isumaqatigiissut innersuussutigalugu Kalaallit Nunaanniiginnarnissaa
tunngavilersuutigaa.
Qeqqata
eqqartuussisoqarfia arnaq Danmarkimi katsorsarneqartariaqartoq,
tassani tassunga tulluartumik katsorsarneqarnissaa periarfissaammat,
isumaqarpoq.
Eqqartuussivik
nakorsat oqaaseqaataat tunngavigalugit inerniliivoq, tassanilu arnap
pissutissaqarani inunnut ilisarisimanngisaminut nakuusertarnera
eqqarsaatigineqarpoq.
Arnap
27-nik ukiullip katsorsarneqarnissaa aalajangerneqarmat
piffissaligaanngitsumik Danmarkimi
napparsimavimmiittussanngortinneqarpoq. Suliat taama ittut Aarhus
Universitetshospitalimiittarput.
Arnaq
pitsanngoriaateqangaatsiarsimassappat, Dronning Ingridip
Napparsimavissuani tarnikkut nappaatilinnut immikkoortortaqarfik
aqqutigalugu iperagaasinnaanera periarfissaqarsinnaassaaq.
Arnalli
eqqartuussiviup aalajangiinera suliareqqitassanngortippaa,
taamaalillunilu suliaq Nunatta Eqqartuussisuuneqarfiani aamma
suliarineqassaaq. Tamannali suli ullulerneqanngilaq.
