Arnaq tigusarineqartoq: Mittarfimmi qaartitsisoqarnissamik sioorasaarisoqartoq

Nuummi mittarfimmi politiit arlallit misissuipput. Pigaartut pisortaat ilisimatitsivoq mittarfimmi qaartartumeerisoqarnissaanik siorasaarisoqarsimasoq.

Nuummi mittarfik politiinit misissorneqarpoq inuerutinneqarlunilu. Ualinerani qaartartumik siorasaarisoqarsimanera tamatumani pissutaavoq.

Assi: Arnaq Nielsen

KASSAALUK KRISTENSEN KASSAALUK KRISTENSEN KASSAALUK KRISTENSEN Digitalredaktøri

Saqqummersinneqarpoq 21. Apriili 2026 - 16:29

Annonse

Kalaallit Nunaanni politiit Nuummi mittarfimmi qaartitsisoqarnissaanik siorasaarisoqarsimasoq nalunaarfigineqarput.

Nalunaarut marlunngornermi ualikkut nal. 15.32 tiguneqarpoq.

Taamaattumik Nuup mittarfia terminalilu inuerunneqarput, politiillu misissuillutik.

- Arnaq tigusarineqarnikuuvoq, pasineqarporlu Nuup mittarfiani qaartitsinissamik siorasaarisimasutut. Tigusarineqartup tigummigallagaanissaa pillugu eqqartuussisuserisut naliliissapput, Kalaallit Nunaanni politiini pigaarutt pisortaat Aqqalu Petersen Sermitsiamut oqarpoq.

Inatsisitigut kinguneqartuartoq

Taassuma aamma oqaatigaa, qaartitsinissaq pillugu siorasaarisoqartillugu imaluunniit mittarfimmiinnermi qaartartunik eqqartuinissaq inatsisitigut unioqqutitsinerusoq.

- Qaartitsinissamik siorasaaruteqartoqarneranik nalunaarummik tigusaqarnermi suleriuserput ataasiinnaavoq. Tassa taama iliortup tigusarinissaa, tamatumalu kingorna inatsisitigut eqqartuussivitsigullu kinguneqartitsinissaq. Kingunerisarpaa minnerpaamik akiligassitsinneqarneq, Aqqalu Petersen oqarpoq.

Pigaartut pisortaa ilisimatitsivoq tamanna nunatsinni mittarfinni tamani atuuttoq.